ఏపీ సీఎం, వైసీపీ అధినేత జ‌గ‌న్‌పై నారా లోకేష్ సంచ‌ల‌న వ్యాఖ్య‌లు చేశారు. “రాజధాని పైల్స్ సినిమా పేరు ఎత్తితే.. జగన్ సుస్సు పోసుకుంటున్నాడు“ అని వ్యాఖ్యానించారు. శంఖారావం స‌భ‌ల్లో పాల్గొంటు న్న నారా లోకేష్.. ఉత్త‌రాంధ్ర‌లోని విజ‌య‌న‌గ‌రం జిల్లా నెల్లిమ‌ర్ల నియోజ‌క‌వ‌ర్గంలో ఆయ‌న ప‌ర్య‌టించా రు. ఈ సంద‌ర్భంగా వైసీపీపై ఆస‌క్తికర వ్యాఖ్య‌ల‌తో విమ‌ర్శ‌లు గుప్పించారు.
‘‘నేను జగన్ అంటే మీరంతా సైకో జగన్ అంటున్నారేంటి. రాష్ట్రంలో వైసీపీ అంతా బ్లేడు బ్యాచ్. ఉన్న రాజధానిని చెడగొట్టి మరో రెండేళ్లు హైదరాబాద్‌లో కులుకుతామంటున్నారు. సిగ్గుందా మీకు. దమ్ముందా జగన్ మీరు పెట్టిన భూం భూం షాపులు దగ్గరకు వెళదాం. అక్కడున్నవారు మీ గురించి ఏం చెబుతున్నా రో విందాం’’ అని నారా లోకేష్ సవాల్ విసిరారు.
మేం కుర్చీలు..
సీఎం జగన్.. గుంటూరు జిల్లా ఫిరంగిపురంలో నిర్వ‌హించిన స‌భ‌లో స్లీవ్స్ మ‌డ‌త పెట్టండంటూ.. యువ‌త‌కు పిలుపునిచ్చిన విష‌యం తెలిసిందే. ఈ విష‌యాన్ని ప్ర‌స్తావించిన నారా లోకేష్.. ‘భూం భూం బ్యాచ్.. స్లీవ్స్ మడతపెడితే.. మీ కుర్చీలు మేం మడతపెడతాం’’ అంటూ కూర్చీని మడతపెట్టి చూపించా రు. రాష్ట్ర ప్ర‌జ‌ల‌ను తాగుబోతులను చేయటమే జగన్ ధ్యేయమని మండిప‌డ్డారు. మరో రెండు నెలల్లో జగన్‌కు షాక్ తప్పదన్నారు. యువత దగ్గరకు వెళ్లే దమ్ముందా జగన్ అని ప్రశ్నించారు.
“మ‌న అన్న చంద్రబాబును అరెస్ట్ చేసి జగన్ మచ్చ తేవాలనుకున్నాడు. ప్రపంచం అంతా చంద్రబాబు అభిమానులు ఎంత మంది ఉన్నారో జగన్ కుట్రతో తేలిపోయింది. రాజధాని రైతులను చూస్తే జగన్‌కు ప్యాంట్ తడిచిపోతుంది. ‘‘రాజధాని ఫైల్స్’’ సినిమా పేరెత్తితే జగన్ సుస్సు పోసుకుంటున్నాడు“ అని నారా లోకేష్ వ్యాఖ్యానించారు.
