తాజాగా ఆర్ ఆర్ ఆర్ మూవీలోని నాటు నాటు పాట ప్ర‌పంచ రికార్డు సృష్టించి గోల్డెన్ గ్లోబ్ అవార్డును సొంతం చేసుకుంది. అయితే.. ఇప్పుడు దీనిని మించిన‌ట్టుగా ఉంది.. సైకో జగన్ అనే పాట. తాజాగా ఏపీ ప్ర‌ధాన ప్ర‌తిప‌క్షం టీడీపీ త‌న ట్విట్ట‌ర్‌లో ‘సైకో జగన్ ’ పాటను పోస్టు చేసింది. ఈ పాట‌లో యువ‌తి డ్యాన్స్ చేస్తూ.. ఉండ‌గా బ్యాక్ గ్రౌండ్‌లో `బిగ్ సైకో పోవాలి` అనే నినాదం వినిపిస్తూ ఉంటుంది.
ఇది జాతీయ స్థాయిలో మూడో స్థానంలో నిలవ‌డం విశేషం. 95 వేలమందికి పైగా నెటిజన్లు వీక్షించారు. మ‌రికొన్ని వేల మంది దీనిపై స్పందించారు. పలుచోట్ల టీడీపీ నేతలు, కార్యకర్తలపై జరుగుతున్న దాడులు, హత్యలు, విధ్వంసాలు, సామాన్యులపై దౌర్జన్యం వంటి అంశాలతో ఆ పార్టీకి చెందిన ఐ టీడీపీ విభాగం ప్రచార సమరానికి శ్రీకారం చుట్టింది.
`సైకో జగన్` అని హ్యాష్‌ టాగ్‌ పెట్టారు. ‘సైకో పాలన పోవాలి.. సైకిల్ పాలన రావాలి’ అన్న నినాదంతో దీనిని నిర్వహించారు. టీడీపీ పిలుపుతో పెద్ద సంఖ్యలో ఆ పార్టీ సానుభూతిపరులు దాడులు, విధ్వంసాలకు సంబంధించిన అంశాలతో పోస్టులు పెట్టి మద్దతు పలికారు. జగన్ పాలనా తీరు ఎలా ఉందో దేశవ్యాప్తంగా ప్రచారమైందని టీడీపీ వర్గాలు పేర్కొన్నాయి.
సైకో పాలన వల్ల ఇబ్బంది పడుతున్న యువత, విద్యార్థులు, నిరుద్యోగులు, ఉద్యోగులు, కార్మికులు వంటివారు స్పందించారని టీడీపీ నేతలు అంటున్నారు. అంతేకాదు.. ఎన్నిక‌ల వ‌ర‌కు ఇలాంటి గీతాల‌ను సోష‌ల్ మీడియాలో పెట్టేందుకు.. పెద్ద ఎత్తున ప్రణాళిక‌లు రెడీ చేసిన‌ట్టు పార్టీ వర్గాలు పేర్కొన‌డం గ‌మ‌నార్హం.
రాష్ట్రమంతటా మోత మోగిపోతున్న పాట "సైకో పోవాలి సైకిల్ రావాలి" #PsychoPovaliCycleRavali pic.twitter.com/5CAGBcLfuX
— Idhem Karma Mana Rashtraniki (@IdemKharma) January 12, 2023
