వైసీపీ ఫైర్ బ్రాండ్, మంత్రి అంబటి రాంబాబు వ్యవహార శైలి గురించి అందరికీ తెలిసిందే. తన వాగ్ధాటితో ఎదుటివారి నోరు మూయించడం…తాను చెప్పాలనుకున్నది మాత్రమే చెప్పి…విషయాన్ని డైవర్ట్ చేయడం ఆయనకు వెన్నతోపెట్టిన విద్య. కొద్ది నెలల క్రితం అంబటికి సంబంధించినదిగా చెబుతోన్న ఆడియో ఒకటి లీక్ కావడం పెను కలకలం రేపిన సంగతి తెలిసిందే. ఇక, తాజాగా మరోమారు అంబటిపై అటువంటి ఆరోపణలు రావడం చర్చనీయాంశమైంది.
ఈ క్రమంలోనే మంత్రి అంబటి రాంబాబుపై టీడీపీ సీనియర్ నేత అయ్యన్న పాత్రుడు షాకింగ్ కామెంట్లు చేశారు. ఎగస్ట్రాలు చేస్తే ఇక వీడియోలే అంటూ అంబటికి అయ్యన్న వార్నింగ్ ఇస్తూ ట్వీట్ చేశారు. ఈ క్రమంలోనే తాజాగా అయ్యన్న మరో ట్వీట్ చేసి అంబటిని ఇరకాటంలో పెట్టారు.
”సార్ మీ ఇంటర్వ్యూ కావాలి అంటూ కాంబాబుకి వాట్సప్ లో మెసేజ్ చేసింది యూట్యూబ్ ఛానల్ యాంకర్… ఇంటర్వ్యూ ఇస్తా నాకేం ఇస్తావ్ అంటూ రిప్లై ఇచ్చాడు కాంబాబు. అక్కడితో ఆ వ్యవహారం ఆగలేదు… త్వరలో ఆ వివరాలు ప్రపంచానికి….మహిళా జర్నలిస్ట్ పై లైంగిక వేధింపులకు పాల్పడిన కాంబాబు బూతు పురాణం. సీఎంతో సహా సంబంధిత వ్యవస్థలకు చేరింది. ఇక త్వరలో కాంబాబు బర్తరఫ్ అవ్వడం ఖాయం” అని అయ్యన్న ట్వీట్ చేశారు.
అయితే, ఈ ట్వీట్ పై అంబటి తనదైన రీతిలో స్పందించి మరోసారి తన స్వభావాన్ని బయటపెట్టుకుున్నారు. “న‌న్ను అంటారు.. తిరిగి అంటే… టీడీపీతో పాటు ఈనాడు, టీవీ 5, ఆంధ్రజ్యోతి కలసికట్టుగా నా మీద పడి ఏడుస్తారు. ఎంత ఏడ్చినా.. ఎంత మొరొగినా… తగ్గేదేలే!!” అంటూ అంబటి రాంబాబు ప్ర‌తిస్పందించారు. మరి, అంబటి రియాక్షన్ కు అయ్యన్న సూపర్ రియాక్షన్ ఏవిధంగా ఉంటుందన్నది ఆసక్తికరంగా మారింది. అయ్యన్న అన్నమాట ప్రకారం వీడియోలు రిలీజ్ చేస్తే…ఏం జరుగుతుందన్నది ఉత్కంఠ రేపుతోంది.
