తెలుగు చిత్ర పరిశ్రమ లో గర్వించదగ్గ మేటి దర్శకుడు శివ కొరటాల తెరకెక్కించిన ‘ఆచార్య’ చిత్రం ఈ రోజు ప్రపంచవ్యాప్తంగా భారీ స్థాయిలో విడుదలైంది.
సాధారణంగా ఒక్క స్టార్ హీరో సినిమాకే థియేటర్ల దగ్గర ఎన్నారైల రచ్చ మామూలుగా ఉండదు.
అటువంటిది తండ్రి కొడుకు మొదటిసారి కలిసి నటించడంతో ఆ ఇద్దరు హీరోల ఫ్యాన్స్ థియేటర్ల దగ్గర దుమ్ము రేపారు.
అమెరికా లోని బే ఏరియా లో ‘ఆచార్య’ విడుదల సందర్భంగా చిరంజీవి , చరణ్ అభిమానులు రచ్చ రచ్చ చేశారు.
గురువారం విడుదలైన ఈ చిత్రం బే ఏరియాలో పండుగ వాతావరణాన్ని తెచ్చింది.
వీరబాబు ప్రత్తిపాటి ఆధ్యర్యంలో సునీల్ పసుపులేటి, మురళి గూడవర్తి, శివ మూలబంటి, రవి కిరణ్ అలేటి, చరణ్ ,సుబ్బు తదితరులు ఈ సంబరాల్లో పాల్గొన్నారు.
