మాస్ కా బాప్, నందమూరి నటసింహ బాలకృష్ణ తాజా చిత్రం ‘అఖండ’ బాక్సాఫీస్ రికార్డులను బద్లలు కొట్టిన సంగతి తెలిసిందే. మాస్ డైరెక్టర్ బోయపాటతో బాలయ్య హ్యాట్రిక్ హిట్ కొట్టడంతో బాలయ్య ఫ్యాన్స్ ఫుల్ జోష్ లో ఉన్నారు. 103 థియేటర్లలో అఖండ సినిమా 50 రోజులను పూర్తిచేసుకొని…200 కోట్ల క్లబ్ లోనూ చేరి అరుదైన రికార్డును సొంతం చేసుకుంది. అఖండ ఇచ్చిన జోష్ తో బాలయ్యతో సినిమా చేసేందుకు యంగ్ డైరెక్టర్లు క్యూ కడుతున్నారు. ఈ క్రమంలోనే బాలయ్య…తన తర్వాతి చిత్రాన్ని మాస్ డైరెక్టర్ఆ గోపీచంద్ మలినేని దర్శకత్వంలో చేయబోతున్నారు. ఇక, యంగ్ డైరెక్టర్ సంపత్ నందికి కూడా బాలయ్య ఇటీవల గ్రీన్ సిగ్నల్ ఇచ్చేశారు.
ఈ సినిమా తరువాత కొరటాల శివ, అనిల్ రావిపూడిలు లైన్లో ఉన్నట్టుగా వార్తలు వినిపిస్తున్నాయి. ఈ నేపథ్యంలోనే బాలయ్య బాబు…తాజాగా మరో యంగ్ డైరెక్టర్ కు గ్రీన్ సిగ్నల్ ఇచ్చారని తెలుస్తోంది. బాలయ్యకదర్శకుడు శ్రీకాంత్ అడ్డాల చెప్పిన కథ నచ్చడంతో ఆయన ఓకే చెప్పారని ఫిల్మ్ నగర్ లో టాక్ వస్తోంది. ఇక, ఈ సినిమాను ప్రముఖ నిర్మాత దిల్ రాజు నిర్మించబోతున్నారని కూడా ప్రచారం జరుగుతోంది. ఇంకా చెప్పాలంటే బాలయ్యబాబుకైతే ఈ కథ బాగుంటుందని ఆయన దగ్గరికి శ్రీకాంత్ అడ్డాలను దిల్ రాజే పంపించారట.
దర్శకుడిగా దిల్ రాజుతో తన ప్రయాణాన్ని మొదలుబెట్టిన శ్రీకాంత్ అడ్డాల ‘కొత్త బంగారు లోకం’తో హిట్ కొట్టారు. ఆ తరువాత వీరిద్దరి కాంబినేషన్లో వచ్చిన భారీ మల్టీస్టారర్ ‘సీతమ్మవాకిట్లో సిరిమల్లె చెట్టు’ కూడా సూపర్ హిట్ కొట్టేసింది. ఇద్దరు స్టార్ హీరోలతో తెలుగులో కూడా మల్టీ స్టారర్ సినిమాలు తీయవచ్చని ఆ చిత్రంతో శ్రీకాంత్ అడ్డాల ప్రూవ్ చేశారు. ఇప్పుడు బాలకృష్ణను లైన్లో పెట్టేసిన శ్రీకాంత్ అడ్డాల..దిల్ రాజు నిర్మాణంలో బాలయ్యతో హ్యాట్రిక్ హిట్ పక్కాగా కొడతారని బాలయ్య ఫ్యాన్స్ కాన్ఫిడెంట్ గా ఉన్నారు. అయితే ఈ ప్రాజెక్టుపై అఫీషియల్ గా ఎనౌన్స్ మెంట్ రావాల్సి ఉంది.
