తెలుగు వారికి మన పండగులంటే ప్రీతి. వారు ఎక్కడున్నా తెలుగు సంప్రదాయాలను ప్రతిబింబించే పండగలను జరుపుకోవడం వదులుకోరు.
పండగ అంటే కేవలం సెలబ్రేషన్స్ కాదు. మన సంస్కృతి తర్వాత తరాలకు వారసత్వంగా అందించి ఒక క్రమానుగత సంప్రదాయం. అందుకే పండగ జరుపుకోవడం ద్వారా సంస్కృతిని భావి తరాలకు అందించడంతో పాటు కుటుంబ బంధాలను బలపరిచే వారధిగా చెప్పవచ్చు.
ఏ దేశమేగినా ఎందుకాలిడినా మరవకు మన సంస్కృతి మరవకు మన పండగలు అంటూ ప్రతి తెలుగు పండగను జరుపుకుంటున్నారు పార్క్ కైలీ తెలుగు కమ్యూనిటీ.
శాన్ జోస్, కాలిఫోర్నియాలో ఉంటున్న 75 కుటుంబాలతో ఏర్పడిన కమ్యూనిటీ ఇది. ఏ పండగ అయినా ఉమ్మడిగా జరుపుకుంటారు. అలాగే బే ల్యాండ్ పార్క్, సన్నీవేల్, కాలిఫోర్నియాలో దసరా/బతుకమ్మ పండుగను ఘనంగా జరపుకున్నది ఈ కమ్యూనిటీ. కోలాటం, గ్రాండ్ గాలా తో ఉత్సవం కనుల పండువగా జరుపుకొన్నారు. సుమారు 250 మందికి పైగా సభ్యులు ఎంతో ఉత్సాహంతో ఇందులో పాల్గొన్నారు.
