కళ్లు చెదిరే సీన్ ఒకటి సోషల్ మీడియాలో వైరల్ అవుతోంది. ఎప్పుడైనా గుట్టలు.. గుట్టలుగా.. రాశులు పోసినట్లుగా ఉన్న నోట్ల కట్టల్ని చూశారా?
అది కూడా రూ.150కోట్ల మొత్తాన్ని ఒకే చో? ఇప్పుడా కొరత తీరిపోయే సీన్ ఒకటి రియల్ గా దర్శనమిచ్చింది.
ఒకటి కాదు రెండు కాదు ఏకంగా రూ.150 కోట్ల జీఎస్టీ పన్ను ఎగవేతకు పాల్పడిన కాన్పూర్ వ్యాపారి ఉదంతం ఇప్పుడు సంచలనంగా మారింది.
కీలకమైన యూపీ ఎన్నికలు జరిగేందుకు సర్వం సిద్ధమవుతుండగా.. ఇంత భారీ మొత్తాన్ని ఒకేచోట అధికారులు గుర్తించిన వైనం షాకింగ్ గా మారింది.
యూపీలోని కాన్పూర్ కు చెందిన సుంగధ ద్రవ్యాల వ్యాపారి పీయూష్ జైన్ ఇంట్లో భారీ నోట్ల కట్టల డంప్ ను అధికారులు గుర్తించారు.
నకిలీ ఇన్వాయిసులు.. ఈవే బిల్లులతో పన్ను ఎగవేతకు పాల్పడినట్లుగా చెబుతున్నారు.
ఆయన ఇంట్లో తనిఖీలు నిర్వహించిన అధికారులు.. వ్యాపారి ఇంట్లో గుట్టలు.. గుట్టలుగా ఉన్న నోట్ల కట్టల్ని చూసి నోరెళ్లబెట్టిన పరిస్థితి.
గురువారం మొదలైన సోదాలు శుక్రవారం కూడా సాగాయి.
రూ.150 కోట్ల భారీ సొమ్మును ఒకేచోట పెట్టటం.. వాటిని లెక్కిస్తున్న అధికారులతో కూడిన ఫోటో బయటకు వచ్చి పెను సంచలనంగా మారింది.
#WATCH | As per Central Board of Indirect Taxes and Customs chairman Vivek Johri, about Rs 150 crores have been seized in the raid, counting still underway.
Visuals from businessman Piyush Jain's residence in Kanpur. pic.twitter.com/u7aBTJhGxW
— ANI (@ANI) December 24, 2021
ఆసక్తికరమైన విషయం ఏమంటే.. ఈ సుగంధ వ్యాపారి యూపీ విపక్ష సమాజ్ వాదీకి చెందిన నేత కావటం.
ఈ మధ్యన సమాజ్ వాదీ సెంట్ పేరుతో మార్కెట్లోకి వచ్చిన సెంట్ నుకూడా ఆయన కంపెనీలోనే తయారు చేశారు.
భారీ ఎత్తున బయటపడిన నోట్ల కట్టల్ని జాగ్రత్తగా రెండు బీరువాల్లో సర్దారు.
వాటిని తరలించేందుకు కంటెయినర్ కు అధికారులు సిద్ధం చేశారు.
ఈ తనిఖీల సందర్భంగా నాలుగు ట్రక్కుల్ని కూడా సీజ్ చేశారు. కాన్పూర్ తో పాటు.. గుజరాత్.. ముంబయిల్లోనూ సోదాలు నిర్వహిస్తున్నారు.
భారీగా పన్ను ఎగవేతకు పాల్పడిన పీయూష్ ను పోలీసులు అదుపులోకి తీసుకున్నారు.
ఆయన కుమారుడు ప్రత్యూష్ జైన్ ను కూడా అదుపులోకి తీసుకొని విచారిస్తున్నారు.
కీలకమైన యూపీ ఎన్నికలు జరగటానికి నాలుగు నెలల ముందు జరిగిన ఈ సోదాలు.. విపక్ష సమాజ్ వాదీకి భారీ దెబ్బగా అభివర్ణిస్తున్నారు.
ఈ ఉదంతం రానున్న రోజుల్లో రాజకీయ అంశంగా మారుతుందన్న అభిప్రాయం వ్యక్తమవుతోంది.
చూస్తుంటే.. మరిన్ని సోదాలు.. సంచలనాలు రానున్న రోజుల్లో బయటకు రావటం ఖాయమన్న మాట వినిపిస్తోంది.
