ఆ ‘బూతుల’ వైసీపీ నేతలను ఉరి తీయాలి…లోకేశ్ ఫైర్

జగన్ ను దూషించారనే ఆరోప‌ణ‌ల‌తో టీడీపీ సీనియర్ నేత, మాజీ మంత్రి అయ్యన్నపాత్రుడుపై పోలీసులు కేసు నమోదు చేసిన విష‌యం తెలిసిందే. ప‌శ్చిమ గోదావ‌రి జ‌ల్లా నల్లజర్లలో ఎన్టీఆర్ విగ్రహావిష్కరణ తర్వాత సభలో జగన్ ను అయ్యన్న దూషించార‌ని వచ్చిన ఫిర్యాదు ప్రకారం పోలీసులు ప‌లు సెక్ష‌న్ల కింద కేసు న‌మోదు చేశారు. ఈ క్రమంలోనే నేడు న‌ర్సీప‌ట్నంలో అయ్య‌న్న పాత్రుడును అరెస్టు చేసేందుకు ఆయన ఇంటికి పోలీసులు వచ్చారు.

దీంతో, అయ్యన్న ఇంటి వ‌ద్ద ఉద్రిక్త‌ వాతావ‌ర‌ణం ఏర్పడింది. అయ్య‌న్న‌కు నోటీసులు ఇచ్చేందుకే వ‌చ్చామ‌ని పోలీసులు చెబుతున్నారు. అయ్య‌న్న పాత్రుడు ఇంట్లో లేర‌ని టీడీపీ కార్య‌క‌ర్త‌లు పోలీసుల‌కు చెప్పారు. కానీ, అది వినని పోలీసులు..ఆయన ఇంట్లోనే ఉన్నార‌ని నోటీసులు ఇచ్చే వెళ్తామ‌ని అంటుండడంతో ఉద్రిక్తత ఏర్పడింది. ఈ క్రమంలో ఈ వ్యవహారంపై టీడీపీ జాతీయ ప్రధాన కార్యదర్శి నారా లోకేశ్ స్పందించారు.

అయ్య‌న్న పాత్రుడు గారు వాస్తవాలు మాట్లాడితేనే కేసులు పెట్టి అరెస్ట్ చేయడాని వచ్చారని మండిపడ్డారు. వైసీపీ నేతలు చెప్పే అబద్ధాలు-మాట్లాడే బూతులకి డైరెక్ట్ గా ఉరి వెయ్యాలిని నిప్పులు చెరిగారు. ఉచ్ఛనీచాలు మరచి వైసీపీ నేతలు మాట్లాడుతున్న బూతులు పోలీసులకు వినసొంపుగా ఉంటున్నాయని ఎద్దేవా చేశారు. వైసీపీ నేతల తీవ్ర వ్యాఖ్యలపై కేసులు పెడితే కనీసం పోలీసులు స్పందించలేదని దుయ్యబట్టారు.

కానీ, జగన్ ను అయ్యన్న విమర్శించినందుకు జిల్లాలు దాటి మరీ అరెస్ట్ చేయడానికి రావడమే రాజారెడ్డి రాజ్యాంగం ప్రత్యేకత అని మండిపడ్డారు. పోలీసుల చొక్కా పట్టుకొని తిడుతున్న మంత్రులు, బీరు బాటిళ్లు పగలగొట్టి ఏం పీకుతారు అని సవాల్ చేస్తున్న వైసీపీ నేతలపై పోలీసులు తమ ప్రతాపాన్ని చూపి ప్రజాస్వామ్యాన్ని కాపాడాలని, అలా చేస్తేే కనీసం వేసుకున్న ఖాకీ గౌరవాన్ని నిలబెట్టినవారవుతారని లోకేశ్ హితవు పలికారు.. అయ్యన్నపాత్రుడు గారిపై పెట్టిన తప్పుడు కేసులు వెంటనే ప్రభుత్వం ఉపసంహరించుకోవాలని లోకేశ్ డిమాండ్ చేశారు. ఈ సందర్భంగా అయ్యన్న ఇంటి వద్ద పోలీసుల హడావిడి వీడియోను లోకేశ్ తన ట్విటర్ ఖాతాలో ట్వీట్ చేశారు.

మా @AyyannaPatruduC గారు వాస్తవాలు మాట్లాడితేనే కేసులు పెట్టి అరెస్ట్ చేయడానికి వస్తే వైసిపి నేతలు చెప్పే అబద్ధాలు-మాట్లాడే బూతులకి డైరెక్ట్ గా ఉరి వెయ్యాలి. ఉచ్ఛనీచాలు మరచి వైసిపి నేతలు మాట్లాడుతున్న బూతులు పోలీసులకు వినసొంపుగా ఉంటున్నాయి.(1/3) pic.twitter.com/3ZCgYbZ5uR

— Lokesh Nara (@naralokesh) February 23, 2022