వ‌న్డే ప్ర‌పంచ క‌ప్ క్రికెట్ లో భార‌త్ రికార్డుల దిశ‌గా అరుగులు పెడుతున్న విష‌యం తెలిసిందే. ఇప్ప‌టికే సెమీ ఫైన‌ల్‌లో న్యూజిలాండ్‌ను మ‌ట్టిక‌రిపించిన భార‌త జ‌ట్టు.. ఫైనల్ లోకి అడుగు పెట్టింది. ఇక్క‌డ కూడా విజ‌యం ద‌క్కించుకుంటే.. ప్ర‌పంచ క‌ప్‌ను సొంతం చేసుకోవ‌డం ఖాయం. దీంతో క్రికెట్ అభిమానులు భార‌త జ‌ట్టుపై భారీగానే ఆశ‌లు పెట్టుకున్నారు. టీం ఇండియా ఫైన‌ల్‌కు చేరుకోవ‌డంతో ఈ ఉత్కంఠ మ‌రింత పెరిగింది.
ఇదిలావుంటే.. ప్ర‌పంచ క‌ప్ పోటీల్లో ఇండియా గెలిచి.. క‌ప్ సాధిస్తే.. తాను న‌గ్నంగా ప‌రిగెడ‌తానంటూ.. సినీ హాట్ బ్యూటీ సంచ‌ల‌న వ్యాఖ్య‌లు చేయ‌డం ఇప్పుడు సోష‌ల్ మీడియాను ఊపేస్తోంది. తెలుగులో కొన్ని సినిమాల్లో న‌టించిన రేఖా భోజ్‌.. ఈ సంచ‌ల‌న వ్యాఖ్య‌లు చేసింది. ఈమె దామినీవిల్లా, మాంగ‌ళ్య, కాత్యాయినీ వంటి సినిమాల్లో న‌టించింది.
“టీం ఇండియా ప్ర‌పంచ క‌ప్ కొడితే.. విశాఖ ఆర్కే బీచ్‌లో న‌గ్నంగా ప‌రిగెడ‌తా!“ అని రేఖా ఎక్స్ వేదిక‌గా పోస్టు చేసింది. అయితే.. దీనిపై నెటిజ‌న్ల నుంచి తీవ్ర విమ‌ర్శ‌లు.. అదేస‌మ‌యంలో వ్యంగ్యాస్త్రాలు కూడా వ‌చ్చాయి. “ఇదో ప‌బ్లిసిటీ స్టంట్‌“ అంటూ నెటిజ‌న్లు దెప్పిపొడిచారు. మ‌రికొంద‌రు.. “టాలీవుడ్ పూన‌మ్ పాండే“ అని వ్యాఖ్యానించారు. ఇంకొంద‌రు..“ఈ క్ష‌ణం కోస‌మే ఎదురు చూస్తున్నా“, “ఇప్పుడే వైజాగ్‌కు టికెట్ బుక్ చేసుకుంటున్నా“ అని వ్యాఖ్య‌లు చేయ‌డం గ‌మ‌నార్హం. ఇదిలావుంటే.. మ‌రికొంద‌రు మాత్రం ఇది కూడా బెట్టింగ్ కింద‌కే వ‌స్తుంద‌ని.. ఆమెపై కేసు న‌మోదు చేయాల‌ని కామెంట్లు చేస్తున్నారు.
