నాటు నాటు పాటకు గోల్డెన్ గ్లోబ్ అవార్డు రావడంతో మెగా పవర్ స్టార్ రామ్ చరణ్, యంగ్ టైగర్ జూ.ఎన్టీఆర్ ల ఆనందానికి అవధుల్లేలకుండా పోయాయి. ఈ క్రమంలోనే గోల్డెన్ గ్లోబ్ అవార్డుల ప్రదానోత్సవానికి హాజరైన సందర్భంగా వెరైటీ మ్యాగజైన్‌కు ఈ ఇద్దరూ ఇంటర్వ్యూ ఇచ్చారు. ఈ సందర్భంగా వెరైటీ మ్యాగజైన్‌కు చెందిన మార్క్ మాల్కిన్‌ తో తారక్ ఇంగ్లిష్ లో మాట్లాడి అదరగొట్టాడు. హాలీవుడ్ దిగ్గజ నిర్మాణ సంస్థ మార్వెల్‌లో అవకాశమొస్తే సినిమా చేస్తానని తారక్ స్పష్టం చేశారు.
రాజమౌళి దర్శకత్వంలో చేసిన తర్వాత ఆర్ఆర్ఆర్ కచ్చితంగా పాన్ ఇండియా రేంజ్ లో చరిత్ర తిరగరాస్తుందనుకున్నామని, కానీ, అంతర్జాతీయ స్థాయిలోనూ ఇంత మంచి స్పందన వస్తుందని తాము అనుకోలేదని తారక్ అన్నారు. రాజమౌళి ట్రాక్‌ రికార్డుకు విన్నర్‌ అవుతామని తెలుసు కానీ, ఇంత పెద్ద విజయం సాధిస్తామని అనుకోలేదని చెప్పారు. మార్వెల్‌లో సినిమా చేయాలని తనకూ ఉందని, తనతోపాటు తన అభిమానులు ఎంతో ఆసక్తిగా దానికోసం ఎదురుచూస్తున్నామని అన్నారు. తారక్ అమెరికన్ ఇంగ్లిష్ లో మాట్లాడిన ఇంటర్వ్యూ వీడియో సోషల్ మీడియాలో వైరల్‌గా మారింది.
ఇక, మార్వెల్ స్టూడియోస్ నుంచి కాల్ వస్తే సినిమా చేసేందుకు సిద్ధమని చెర్రీ కూడా అన్నారు. ఇండియన్ సూపర్ హీరోగా చేయమంటే ఎందుకు చేయను? తప్పకుండా చేస్తాను? అని చరణ్ అన్నారు. టోనీ స్టార్క్ తన ఫేవరెట్ సూపర్ హీరో ఎవరు? అని చెప్పారు. ఇండియాలోనే ఎంతో అద్భుతమైన సూపర్ హీరోలున్నారని, వారిని ఇక్కడకు ఎందుకు తీసుకురాకూడదని తారక్ అన్నారు.
నాటు నాటు పాట చిత్రీకరణలో ఎవరు ఎక్కువగా గాయపడ్డారు అనే ప్రశ్నకు చరణ్ ఆసక్తికర సమాధానానమిచ్చారు. ఆ పాట గురించి ఇక్కడ మాట్లాడటానికి ఇప్పటికీ తన మోకాళ్లు వణుకుతున్నాయని అన్నారు. అయినా సరే చేశామని, అది అందమైన టార్చర్ అని చెప్పారు. ఆ కష్టం, క్రమశిక్షణే మమ్మల్ని ఇక్కడ వరకు నడిపించాయని చెప్పారు. ఇక్కడ అందరి ముందు నిలుచుని మాట్లాడతున్నామంటే అందుకు అదే కారణం అని చరణ్ తెలిపారు.
#JrNTR #RRRMovie is making us proud! @tarak9999 at the Red carpet of #GoldenGlobes2023 ! The world is cheering for our Indian Film! 🔥❤️ #RRR #SiddharthKannan #SidK pic.twitter.com/2b9OlgGqQ0
— Siddharth Kannan (@sidkannan) January 11, 2023
