అల్లు అర్జున్ అనేక సినిమా ఫంక్షన్లకు అతిథిగా హాజరయ్యారు. కానీ ఇప్పుడు విజయ్ దేవరకొండ సోదరుడు ఆనంద్ యొక్క పుష్పకవిమానం సినిమా ట్రైలర్ లాంచ్‌కి రావడం మాత్రం స్పెషల్. ఈ సందర్భంగా ఆయన చేసిన వ్యాఖ్యలు కూడా స్పెషల్.
‘‘విజయ్ అంటే తనకు చాలా ఇష్టం. పరిశ్రమలో ఎటువంటి మద్దతు లేకుండా ఎదిగిన స్టార్ అతను. ఐకాన్ స్టార్‘‘ అని ప్రశంసలు కురిపించారు అల్లు అర్జున్.
“విజయ్ క్రేజ్ నాతో సహా చాలా మంది పెద్ద స్టార్స్‌ని మించిపోయింది కాబట్టి నేను అతనిని చూసి అసూయపడలేదా అని ఒకరు నన్ను ఒకసారి అడిగారు. నేను చెప్పాను, ఎవరైనా మనకంటే ముందు పరుగెత్తుతూ, పరుగెత్తుతున్నారంటే, మనం పరుగెత్తడం మానేశామని అర్థం. మనం వారిని చూసి అసూయపడకూడదు, నిజానికి వారి నుంచి స్ఫూర్తి పొంది తర్వాతి స్థానానికి చేరుకోవడానికి మరింత కష్టపడాలి’ అని అల్లు అర్జున్ వ్యాఖ్యానించారు.
అంతటి ఆగలేదు. విజయ్ తన సినిమాల ఎంపిక గురించి మరియు అతని తెలివితేటలను కూడా అల్లు అర్జున్ ప్రశంసించాడు.
“చాలా మందికి తెలివితేటలు ఉంటాయి, కానీ అందరూ గొప్పగా వాడుకోలేరు. విజయ్ కొంచెం డిఫరెంట్‌. సినిమాల ఎంపికతోనే సక్సెస్ అయ్యాడు. తెలివైనవాడు మాత్రమే కాదు, మంచి వ్యక్తి కూడా. అతని చారిటీ కూడా నన్ను ఆకట్టుకుంది‘‘ అన్నారు అల్లు అర్జున్.
అయితే, తాజాగా అల్లు అర్జున్ ప్రసంగం విన్న వారంతా అల్లు అర్జున్ సామాన్యుడు కాదు అంటున్నారు.
ఎవరైనా మనకంటే వేగంగా ఎదుగుతున్నారు అంటూ వారిని పోటీగా చూడడం కాకుండా వారిని మన లీగ్ లో చేర్చుకుని ఆ క్రెడిట్ కూడా మన ఖాతాలో పడేలా చూడాలన్న బ్రిలియంట్ గేమ్ అల్లు అర్జున్ ఆడుతున్నాడట.
ఆహా ఓటీటీ ప్రారంభించిన అల్లు అరవింద్ కొడుకులకు మంచి వ్యాపార తెలివితేటలే నేర్పుతున్నారు. ఓటీటీ ఎదగాలంటే అందరూ కావాలి. అల్లు అర్జున్ చేస్తున్నది అదే.
