బండి సంజయ్ కేసీఆర్ కి నిద్ర లేకుండా చేస్తున్నారు. టీఆర్ఎస్ ను ఎన్నికల ద్వారా ప్రజలలో దెబ్బకొట్టడమే కాకుండా… టీఆర్ఎస్ పార్టీలోనే అలజడి సృష్టించే కొత్త వ్యూహంతో ఈటెల సీఎం కాకూడదా అంటూ ఆయన సంచలన వ్యాఖ్యలు చేసిన విషయం తెలిసిందే.
తాజాగా బండి సంజయ్ మీడియాతో మాట్లాడుతూ … కేటీ రామారావును సీఎంను చేయడానికి కేసీఆర్ మూడు రోజులపాటు దోష నివారణ పూజలు చేశారని అన్నారు. ఆ దోష పూజల ద్రవ్యాల (వస్తువులు)ను త్రివేణి సంగమంలో కలిపేందుకే కాళేశ్వరం వెళ్లారని సంచలన వ్యాఖ్యలు చేశారు. అయితే, ఊరికే వెళ్తే అనుమానం వస్తుందని… ప్రాజెక్టు కోసం వెళ్తున్నట్టు ప్రోగ్రాం పెట్టుుకన్నారని బండి వ్యాఖ్యానించారు.
ఫాంహౌస్ లో ఈ పూజలు మూడురోజులు జరిగాయని, ఈ పూజల కోసం శృంగేరి నుంచి ప్రత్యేకంగా పూజారులను రప్పించారని తెలిపారు. ఇక సీతారామ ప్రాజెక్టు, తుపాకులగూడెం ప్రాజెక్టుల పేరిట మరో రూ.50 వేల కోట్లు దండుకునేందుకు కొత్త నాటకానికి కేసీఆర్ తెర తీశారని సంజయ్ ఆరోపించారు.
