మెగాస్టార్ అభిమానుల‌కు నిజ‌మైన సంక్రాంతి రానుంది. చిరంజీవి న‌టించిన తాజీ మూవీ వాల్తేరు వీర‌య్య. ఈ సినిమాను సంక్రాంతికి విడుద‌ల చేస్తామ‌ని చిత్ర యూనిట్ గ‌తంలోనే ప్ర‌క‌టించిన సంగ‌తి తెలిసిందే. అన్న‌ట్లుగా ఈ సినిమాను వ‌చ్చే ఏడాది జ‌న‌వ‌రి 13వ తేదీ విడుద‌ల చేయ‌డాన్ని స‌న్నాహ‌లు చేస్తున్నారు. మెగాస్టార్ కంటే ముందే బాల‌య్య కూడా వీర సింహారెడ్డితో సంద‌డి చేయ‌డానికి వ‌స్తున్నారు.
మెగాస్టార్ న‌టించిన వాల్తేరు వీర‌య్య పైన భారీ అంచ‌నాలున్నాయి. బాబీ (కె.ఎస్‌.ర‌వీంద్ర) ద‌ర్శ‌క‌త్వంలో తెర‌కెక్కిన ఈ సినిమా టీజ‌ర్‌ను ఇటీవ‌లే విడుద‌ల చేశారు. ఇక ఈ సినిమాలో బాస్ పార్టీ సాంగ్ దుమ్ముద‌లిపేస్తోంది. ఈ సినిమాలో ర‌వితేజ కూడా వైజాగ్ రంగ‌రాజు ఐపీఎస్ అనే ఒక ప‌వ‌ర్‌ఫుల్ పాత్ర చేస్తున్నారు. శృతిహాసన్‌, కేథ‌రిన్‌లు నాయిక‌లుగా న‌టిస్తున్నారు. రాజేంద్ర‌ప్ర‌సాద్‌, వెన్నెల కిశోర్‌లు ప్ర‌ధాన పాత్ర‌ల్లో న‌టిస్తున్నారు.
దేవీశ్రీ ప్ర‌సాద్ సంగీత‌మందించినీ సినిమాలో ఒక ఐటెం సాంగ్ కూడా ఉంది. అందాల బామ ఊర్వ‌శీ రౌటేలా మెగాస్టార్‌ల‌తో చిత్రీక‌రించిన ఈ ఐటెం సాంగ్ ‘బాస్ పార్టీ’ ఇప్ప‌టికే సోష‌ల్ మీడియాలో మెగా అభిమానుల‌ను ఆక‌ట్టుకుంది. మైత్రీ మూవీ మేక‌ర్స్ ఈ చిత్రాన్ని నిర్మిస్తోంది. ఈ సినిమాను సంక్రాంతికి విడుద‌ల చేసి మెగా అభిమానుల‌కు నిజ‌మైన పండ‌గ తీసుకురావాల‌ని చిత్ర యూనిట్ స‌న్నాహాలు చేస్తోంది.
