అనన్యతో ట్రైన్లో ఆ పనిచేసిన రౌడీ హీరో..వైరల్

టాలీవుడ్ రౌడీ హీరో విజ‌య్ దేవ‌ర‌కొండ, పూరి జగన్నాథ్ ల కాంబోలో తెరకెక్కిన ‘లైగర్’ చిత్రం పాన్ ఇండియా రేంజ్ లో ఆగస్టు 25న విడుదలకు సిద్ధమవుతోంది. విజయ్ ను పాన్ ఇండియా హీరోగా చిత్రీకరించిన ఈ సినిమాపై భారీ అంచనాలున్నాయి. విజయ్ సరసన బాలీవుడ్ హాట్ బ్యూటీ అనన్యా పాండే హీరోయిన్ గా నటించింది. బాక్సింగ్ లెజెండ్ మైక్ టైసన్ కీలక పాత్ర పోషించిన ఈ చిత్రం ట్రైలర్ రికార్డు వ్యూస్ తో దూసుకుపోతోంది.

విడుదల తేదీ దగ్గర పడుతుండడంతో చిత్ర యూనిట్ ప్రమోషన్ దూకుడు పెంచింది. తాజాగా లైగ‌ర్ యాటిట్యూడ్ సాంగ్ ‘వాట్ లగాదేంగే’ పేరిట అఫీషియల్ మ్యూజిక్ బిట్ ను విడుద‌ల చేసింది. సునీల్ కశ్యప్ స్వరపరిచిన ఈ పాట‌ను విజ‌య్ స్వయంగా పాడగా పూరీ జగన్నాథ్ సాహిత్యం అందించాడు. ‘వాట్ లగా దేంగే’ అంటూ ఒక నిమిషం 26 సెకన్ల నిడివి ఉన్న ఈ పాట యూట్యూబ్లో ట్రెండ్ అవుతోంది. ఐ యామ్ ఇండియన్ అంటూ సాగే ఈ పాట…క్రీడాకారులందరికీ స్ఫూర్తినిస్తుందని విజయ్ ఫ్యాన్స్ అంటున్నారు.

ఇక, ఈ చిత్ర ప్రమోషన్ లో భాగంగా విజయ్ దేవరకొండ, అనన్యా పాండేలు ముంబై వీధుల్లో చక్కర్లు కొడుతున్నారు. ఓ ఈవెంట్లో పాల్గొనేందుకు ఈ ఇద్దరూ ముంబై లోకల్ ట్రైన్ లో ప్రయాణించారు. అంతేకాదు, ముంబైలో ట్రాఫిక్ చిక్కుల నుంచి తప్పించుకునేందుకు వీరు ట్రైన్ ఎంచుకున్న ఈ జంట…ట్రైన్ లో సేద తీరారు కూడా. ట్రైన్లో ఎక్కిన తర్వాత సరదాగా అనన్యతో కబుర్లు చెప్పిన విజయ్… ఆలసిసొలసి కొద్దిసేపు అనన్య ఒడిలో పడుకొని కునుకు తీశాడు. ఈ ఫొటోలను అనన్య సోషల్ మీడియాలో షేర్ చేయడంతో అది వైరల్ అయింది. ‘లైగర్ ప్రమోషన్స్ ‘ట్రాక్’లో ఉన్నాయి. లెట్స్ గో బాయ్స్’ అంటూ అనన్య ట్వీట్ చేసింది.

Vijay Deverakonda and Ananya Panday kickstart radio trails – the #Liger duo hopped into a local train to beat the Mumbai traffic! pic.twitter.com/DNLyjD6ywp

— Ramesh Bala (@rameshlaus) July 29, 2022