టాలీవుడ్ రౌడీ హీరో విజయ్ దేవరకొండ, విలక్షణ దర్శకుడు పూరి జగన్నాథ్ ల కాంబోలో తెరకెక్కిన ‘లైగర్’చిత్రంపై భారీ అంచనాలున్న సంగతి తెలిసిందే. పాన్ ఇండియా రేంజ్ లో బజ్ ఉన్న ఈ సినిమాను ఆగస్టు 25న రిలీజ్ చేయబోతున్నారు. ఈ క్రమంలోనే తాజాగా ఈ చిత్రం ట్రైలర్ ను మెగా స్టార్ చిరంజీవి, యంగ్ రెబల్ స్టార్ ప్రభాస్ రిలీజ్ చేశారు.
ఈ ట్రైలర్ లో రౌడీ హరో విజయ్ దేవరకొండ అదరగొట్టారు. బాక్సింగ్ రింగ్ లోనూ, బయట రౌడీలను చెడుగుడు ఆడే ఫైట్ సీన్లలోనూ విజయ్ దేవరకొండ హై ఇంటెన్స్ యాక్షన్ కనిపించింది. తన లుక్స్ అండ్ యాటిట్యూడ్ తో విజయ్ దేవరకొండ సెన్సేషన్ క్రియేట్ చేసేలా ట్రైలర్ ఉంది. విజయ్ దేవరకొండ స్క్రీన్ ప్రజెన్స్ అదిరిపోగా…రమ్యకృష్ణ వాయిస్ ఓవర్ తో పాటు ట్రైలర్ లో ఆమె కనిపించే సీన్స్ స్పెషల్ అట్రాక్షన్ గా నిలిచాయి.
అయితే, ఈ సినిమాలో లైగర్ వంటి పవర్ ఫుల్ బాక్సర్ పాత్రలో నటిస్తున్న విజయ్ దేవరకొండకు నత్తి ఉండడం ఫ్యాన్స్ కు జీర్ణం కాకపోవచ్చు. ట్రైలర్ లోనే ఇలా ఉంటే..ఇక సినిమాలో విజయ్ దేవరకొండ తడబడుతూ నత్తితో చెప్పే డైలాగ్స్ ఎలా ఉండబోతున్నాయన్నది ఆసక్తికరంగా మారింది. ఇక, పోకిరి టైప్ లో ట్రైన్ ఫైట్ సీన్…ఇందులో ఉండడంతో పూరీ మరోసారి తన పాత సినిమాలలో సీన్స్ ను ఈ సినిమాలోనూ కాపీ కొట్టాడా అంటూ నెటిజన్లు అనుమానం వ్యక్తం చేస్తున్నారు. ఏది ఏమైనా…విజయ్ దేవరకొండ ఈ ట్రైలర్ తో చిత్రంపై అంచనాలు పెంచేశాడని చెప్పాలి. ప్రస్తుతం ఈ ట్రైలర్ యూట్యూబ్ లో ట్రెండ్ అవుతోంది.
Comments 1