సాధారణంగా ఓ పెద్ద సినిమా రిలీజ్ సమయంలో పోటీ పడటానికి మిగతా వాళ్లు ఎవరూ ఇష్టపడరు. ఎందుకంటే పెద్ద హీరో సినిమా మీదే మీడియా, మామూలు జనం, సోషల్ మీడియా అందరి దృష్టీ ఉంటుంది. మిగతావి ఎంత గొప్పగా ఉన్నా పట్టించుకునే నాధుడే ఉండడు.
ఇప్పుడు తమన్నా తాజా ప్రాజెక్టు పరిస్దితి కూడా అదే. స్టార్ హీరోయిన్ తమన్నా కీలక పాత్రలో నటించిన వెబ్ సిరీస్ ‘11th అవర్‌’. ప్రవీణ్‌ సత్తారు దర్శకత్వం వహించారు. థ్రిల్లర్‌ జోనర్‌లో తెరకెక్కిన ఈ వెబ్ సిరీస్ ఏప్రిల్‌ 9వ తేదీ నుంచి ప్రముఖ ఓటీటీ ఆహాలో స్ట్రీమింగ్ అవుతోంది.
అయితే అదే రోజు అంటే ఏప్రియల్ 9న పవన్ కళ్యాణ్ తాజా చిత్రం వకీల్ సాబ్ రిలీజైంది. సూపర్ హిట్ టాక్ తెచ్చుకుంది. దాంతో అందరి దృష్టీ ఆ సినిమాపైనే ఉంది. మూడేళ్ల తర్వాత పవన్ కళ్యాణ్ రీఎంట్రీ చిత్రం కావటంతో ఈ సినిమా ఎలా ఉంది… రిజల్ట్ ఏమిటనేది పెద్ద చర్చగా సినీ లవర్స్ లో మారింది.
ఇక ..,ఫ్యాన్స్ అయితే సెలబ్రేషన్ గా జరుపుకుంటున్నారు. దాంతో ‘11th అవర్‌’ ని ఎవరు పెద్దగా పట్టించుకోలేదు. చివరకు వకీల్ సాబ్ టిక్కెట్లు దొరకక పోయినా…సినిమా రిజల్ట్ ఏమిటి, సినిమాలో హెలెట్స్ ఏమిటి, రివ్యూలు ఏమొచ్చాయి అనేది అయినా డిస్కస్ చేస్తున్నారు. మిగతావి వారి బుర్రలకు ఎక్కటం లేదు.
దానికి తోడు ‘11th అవర్‌’ కి మిక్సెడ్ రివ్యూలు వచ్చాయి. కాకపోతే ఈ వెబ్ సీరిస్ లో తమన్నా మంచిగా ఓ రేంజిలో ఫెరఫార్మ్ చేసిందనే టాక్ అయితే జనరేట్ అయ్యింది. కానీ ఆమె పాత్రకు చెప్పిన డబ్బింగ్ మాత్రం చాలా ఆడ్ గా ఉంది. ఈ కార్పోరేట్ డ్రామాలో అనేక ట్విస్ట్ లు, టర్న్ లు ఉన్నాయి. కానీ నేరేషన్ లో గ్రిప్ లేకపోవటం చూసేవారికి ఇబ్బందిపెట్టింది.
ఇక తమన్నా మాత్రం ఈ సీరిస్ పై చాలా ఎక్సపెక్టేషన్స్ పెట్టుకుంది. ఆమె మాట్లాడుతూ.. లాక్‌డౌన్‌లో తాను విన్న తొలి కథ ‘11th అవర్‌’ అని అన్నారు. విన్న వెంటనే తనకు కథ బాగా నచ్చిందని, అన్ని రకాలుగా ఆడవాళ్లను స్ట్రాంగ్ గా చేసేలా ఇందులోని తన పాత్ర ఉంటుందన్నారు.
తెలుగు సినిమాల్లో ఇలాంటి కంటెంట్‌తో ఇప్పటివరకూ సినిమా రాలేదని అన్నారు. మంచి కథ, స్క్రీన్‌ప్లేతో వస్తున్న ‘11th అవర్‌’ అందరినీ తప్పకుండా అలరిస్తుందని తమన్నా ప్రమోట్ చేసింది.
ప్రవీణ్‌ సత్తార్‌ ఈ వెబ్ సిరీస్‌ను తెరకెక్కించిన విధానం చాలా కొత్తగా ఉంటుందని చెప్పుకొచ్చింది. చూడాలి మరి…రాబోయే రోజుల్లో ఈ వెబ్ సీరిస్ కు క్రేజ్ వచ్చి క్లిక్ అవుతుందేమో. ఆహాలో ఈ సీరిస్ స్ట్రీమింగ్ అవుతోంది.
మగవాళ్ళకే పరిమితం అనుకుంటున్న బిజినెస్ వరల్డ్ లోకి ఓ మహిళ ప్రవేశించి.. వారిని ధీటుగా ఎలా ఎదుర్కోందనేది ఈ సీరిస్ కథా నేపథ్యం. ఇందులో తమన్నా అరాత్రికారెడ్డి అనే పాత్రలో నటించింది.
ఈ సీరిస్ లో అరుణ్ ఆదిత్ , వంశీ కృష్ణ ,రోషిణి ప్రకాష్ ,జయప్రకాష్ ,శత్రు ,మధుసూదన్ రావు ,పవిత్ర లోకేష్ ,అనిరుధ్ బాలాజీ ,శ్రీకాంత్ అయ్యంగార్ ,వినయ్ ,ప్రియా బెనర్జీ తదితరులు కీలకపాత్రలో నటించారు.
