తెలుగు స్ట్రీమింగ్ ప్లాట్‌ఫామ్ ఆహాలో అన్‌స్టాపబుల్ విత్ ఎన్‌బికె చాట్ షో కోసం నందమూరి బాలకృష్ణతో చేరుతున్న ప్రముఖుల జాబితాలో ఈసారి చేరిన తార సూపర్ స్టార్ మహేష్ బాబు.
త్వరలో ఓటీటీ ప్లాట్‌ఫారమ్‌లో ప్రీమియర్ చేయనున్న టాక్ షో గ్రాండ్ ఫినాలేలో ‘ప్రిన్స్’ మహేష్ బాబు తో బాలయ్య ఇంటర్వ్యూ ఇద్దరిలోను కొత్త కోణాన్ని ఆవిష్కరించింది.
బాలకృష్ణ మహేష్ బాబులో ఇప్పటివరకు తెలియని కోణాన్ని బయటకు తీసి అందరినీ సర్ ప్రైజ్ చేశాడు.
జనంలో కలిసి పోయి మహేష్ కి ఆహ్వానం పలికిన బాలయ్య మహేష్ రేంజ్ పెంచి తన గౌరవం కూడా రెట్టింపు చేసుకున్నారు.
ఈ ప్రోమో చాలా ఆసక్తికరంగా ఉంది.
బాలయ్య తనదైన శైలిలో మహేష్ భార్య మరియు పిల్లల గురించి ప్రశ్నలు అడగడం వాటికి మహేష్ తప్పించుకోకుండా జవాబివ్వడం ప్రత్యేకం.
అంచనాలకు మించి వైరల్ అయ్యింది ఈ ప్రోమో.
ఈ ప్రోమోలో కొన్ని మనసుకు హత్తుకునే క్షణాలు ఉన్నాయి.
మోహన్ బాబు, విష్ణు మంచు మరియు లక్ష్మి మంచుతో నవంబర్‌లో ప్రసారం ప్రారంభించిన ఈ షో ఇప్పటివరకు నాని, అనిల్ రావిపూడి, రవితేజ, బ్రహ్మానందం మరియు ఎస్ఎస్ రాజమౌళి వంటి ప్రముఖులను చూసింది.
