నందమూరి నటసింహం బాలకృష్ణతో ‘ఆహా’ రూపొందించిన ‘అన్ స్టాపబుల్ విత్ ఎన్బికే’ టాక్ షో కోసం నందమూరి అభిమానులు ఆసక్తిగా ఎదురుచూస్తున్న సంగతి తెలిసిందే. నవంబర్ 4న దీపావళి కానుకగా ఈ షో తొలి ఎపిసోడ్ టెలికాస్ట్ కానుంది. ఈ షో తొలి ఎపిసోడ్ కు గెస్ట్ గా నందమూరి ఫ్యామిలీతో మంచి అనుబంధం ఉన్న మోహన్ బాబు రాబోతున్నారని ప్రచారం జరిగింది. ఆ ఊహాగానాలను నిజం చేస్తూ.ఈ షో తొలి ఎపిసోడ్ కు మోహన్ బాబు గెస్ట్ గా వచ్చారు. అంతేకాదు, మోహన్ బాబుతో పాటు మంచు లక్ష్మి, మంచు విష్ణులు కూడా గెస్ట్ లుగా వచ్చి అలరించారు. ఈ ఫస్ట్ ఎపిసోడ్ ప్రోమో తాజాగా విడుదలై సోషల్ మీడియాలో ట్రెండ్ అవుతోంది.
క్లాసీగా షేర్వాణీ, శాలువా ధరించిన బాలయ్య ట్రెడిషనల్, రాయల్ లుక్ లో కనువిందు చేశారు. “నేను మీకు తెలుసు…నా స్థానం మీ మనసు” అంటూ బాలయ్య చెప్పిన ఎంట్రీ డైలాగ్‌ గూస్ బంప్స్ తెప్పించింది. ఇక, ఈ షోలో మోహన్ బాబును బాలయ్య బాబు అడిగిన ప్రశ్నలు షోపై క్యూరియాసిటీ పెంచాయి. “చాదస్తం…ఇంట్రడక్షన్ కాకుండానే వచ్చేస్తారు” అంటూ మోహన్ బాబుపై బాలయ్య వేసిన పంచ్ అదిరిపోయింది.
ఇక, మోహన్ బాబుపై బాలయ్య సంధించిన కొన్ని సీరియస్ ప్రశ్నలు మోహన్ బాబును షాకయ్యేలా చేశాయి. చిరంజీవి గురించి, పార్టీ మారడం గురించి కూడా బాలయ్య ప్రశ్నించడంతో …మోహన్ బాబు కూడా దీటుగా జవాబిచ్చారు. ఈ ప్రశ్నలను అల్లు అరవింద్ అడగమన్నాడు కదూ అంటూ…ప్రోమోను కట్ చేశారు. ఇక, అన్నగారి తర్వాత మీ అన్నదమ్ముల్లో ఒకరు పార్టీ పగ్గాలు ఎందుకు చేపట్టలేదంటూ బాలయ్యను మోహన్ బాబు అడగడం షాకింగ్ గా మారింది.
ఇక, చివరలో మంచు లక్ష్మీ, విష్ణు ఎంట్రీ ఇవ్వడంతో మళ్లీ షోలో నవ్వులు మొదలయ్యాయి. మొత్తానికి ఈ షో ప్రోమో షోపై క్యూరియాసిటీని పెంచేసి వైరల్ అవుతోంది. మరి, ఫుల్ ఎపిసోడ్ చూస్తే అందులో బాలయ్య, మోహన్ బాబులు ఏం సమాధానాలు చెప్పారో క్లారిటీ వస్తుంది. మరి, ఇంత క్యూరియాసిటీని కలిగించిన ఈ ప్రోమోపై ఓ లుక్కేయండి.
