వైసీపీ నేతలపై, సీఎం జగన్ పై ఆయన సోదరి, ఏపీ కాంగ్రెస్ అధ్యక్షురాలు వైఎస్ షర్మిల విమర్శలు గుప్పిస్తోన్న సంగతి తెలిసిందే. జగన్ రెడ్డి గారు అంటూ విమర్శలు మొదలుబెట్టిన షర్మిల…వైసీపీ నేతలు ఫీల్ అవుతున్నారని జగనన్న గారు అంటూ విమర్శలను కంటిన్యూ చేస్తున్నారు. ఈ క్రమంలోనే షర్మిలపై వైసీపీ నేతలు ఓ మోస్తరుగా ప్రతి విమర్శలు చేస్తున్నారు. అయితే, గతంలో నారా భువనేశ్వరి, నారా బ్రాహ్మణి, రేణూ దేశాయ్ తదితరులపై జుగుప్సాకరమైన కామెంట్లతో సోషల్ మీడియాను హోరెత్తించిన పేటీఎం బ్యాచ్ ఆఖరికి జగన్ సోదరి అయిన షర్మిలను కూడా వదలలేదు.
తాజాగా షర్మిలను ట్రోల్ చేస్తూ ఆమెపై వ్యక్తిత్వ హననానికి పాల్పడుతున్నారు పేటీఎం బ్యాచ్. ప్రభాస్ తో షర్మిల ఎఫైర్ అంటూ పోస్టులు పెడుతూ గతంలో మాదిరే శునకానందం పొందుతున్నారు. గతంలో వైఎస్ కుటుంబం మినహా మిగతా ప్రతిపక్ష పార్టీల కుటుంబంలోని మహిళలను టార్గెట్ చేసి రంకు అంటగట్టిన పేటీఎం బ్యాచ్ చివరకు షర్మిలనూ వదలలేదని సోషల్ మీడియాలో విమర్శలు వస్తున్నాయి. ఈ క్రమంలోనే షర్మిలపై పేటీఎం బ్యాచ్ పెట్టిన పోస్ట్ కు సంబంధించిన ఓ వీడియో వైరల్ గా మారింది.
