టాలీవుడ్ బాహుబలి ప్రభాస్ నటించిన ఆదిపురుష్ సినిమా టీజర్ విడుదైన సంగతి తెలిసిందే. వచ్చే ఏడాది సంక్రాంతి కానుకగా జనవరి 12న ఈ చిత్రం విడుదల కాబోతోంది. ఈ టీజర్ రిలీజ్ వేదికపై ఫొటోలకు ప్రభాస్, కృతిసనన్, దర్శకుడు ఓం రౌత్ పోజులిచ్చారు. అయితే, ఆ సమయంలో అక్కడి లైటింగ్ వేడి వల్ల, ఉక్కపోత వాతావరణం వల్ల ప్రభాస్ కు చెమటలు కారిపోతున్నాయి. ఓ చేత్తో చెమట తుడుచుకుంటూనే ప్రభాస్ ఫొటోలు దిగుతున్నాడు. ఈ క్రమంలోనే పక్కనే ఉన్న కృతి సనన్…ప్రభాస్ చెమట తుడుచుకునేందుకు తన దుపట్టా ఇవ్వబోయిన ఘటన హాట్ టాపిక్ గా మారింది.
అయితే, ప్రభాస్ దుపట్టాను తీసుకోకుంగా..తన చేత్తోనే చెమటను తుడుచుకోవడం కనిపించింది. దీంతో, ప్రభాస్ పై కృతి సనన్ కు ఇంత అభిమానముందా అంటూ సోషల్ మీడియాలో కామెంట్లు వస్తున్నాయి. ఈ వ్యవహారానికి సంబంధించిన వీడియో ఇపుడు సోషల్ మీడియాలో వైరల్ అయింది. ప్రభాస్ శ్రీరాముడిగా నటించగా, కృతి సనన్ సీతగా నటించిన ఈ చిత్రంపై ప్రేక్షకుల్లో భారీ అంచనాలున్నాయి.
అయితే, తాజాగా విడుదలైన ఈ చిత్ర టీజర్ మాత్రం ఆ అంచనాలు అందుకోవడంలో విఫలమైంది. టీజర్ మొత్తం యానిమేషన్ ఉండడంతో లీడ్ క్యారెక్టర్స్ కార్టూన్ క్యారెక్టర్స్ మాదిరిగా ఉన్నాయంటూ ట్రోలింగ్ మొదలైంది. ‘Disappointed’ అంటూ హ్యాష్ ట్యాగ్ ను ప్రభాస్ అభిమానులు ట్రెండ్ చేస్తున్నారు. యానిమేషన్ సినిమా అని ముందే చెప్పాల్సిందని సెటైర్లు వేస్తున్నారు. ఇక టీజర్ లో కొన్ని షాట్స్ టెంపుల్ రన్ గేమ్ లోవి అంటూ స్క్రీన్ షాట్స్ షేర్ చేసి మరీ ఎద్దేవా చేస్తున్నారు.
పాన్ ఇండియా స్టార్ ప్రభాస్ తో 500 కోట్ల రూపాయల బడ్జెట్ పెట్టి ఇలాంటి యానిమేషన్ సినిమా తీస్తారా..? అంటూ కొందరు అభిమనాులు మండిపడుతున్నారు. బాహుబలితో తీసిన ఈ సినిమా వీడియో గేమ్ మాదిరి ఉందని, వీఎఫ్ఎక్స్ పై ఇంకా వర్క్ చేయాలని అంటున్నారు. దయచేసి టీజర్ మాదిరే సినిమా కూడా ఉంటే ఆ సినిమా రిలీజ్ చేయొద్దని వేడుకుంటున్నారు. మరి, ఈ ట్రోలింగ్ పై చిత్ర యూనిట్ స్పందన ఆసక్తికరంగా మారింది.
