తెలుగు రాష్ట్రాల‌కు టాలీవుడ్ స్టార్స్ విరాళాలు.. ఎవ‌రెవ‌రు ఎంతిచ్చారంటే?

భారీ వ‌ర్షాలు వ‌ర‌ద‌లై తెలుగు రాష్ట్రాల‌ను ముంచెత్తిన సంగ‌తి తెలిసిందే. ఆంధ్ర మ‌రియు తెలంగాణ‌లో చాలా ప్రాంతాలు జ‌ల‌మ‌యం అయ్యాయి. వ‌ర‌ద నీటిలో గ‌త నాలుగు రోజుల నుంచి ప్ర‌జ‌లు బిక్కుబిక్కుమంటూ గ‌డుపుతున్నారు. వేలాది మంది నిరాశ్ర‌యుల‌య్యారు. ఇటువంటి విప‌త్క‌ర ప‌రిస్థితుల్లో తెలుగు రాష్ట్రాల‌కు టాలీవుడ్ స్టార్స్ ఆర్థికంగా అండంగా నిలుస్తున్నారు. వ‌ర‌ద బాధితుల‌ను అందుకునేందుకు త‌మ‌కు తోచినంత విరాళాలు ప్ర‌క‌టిస్తున్నారు. ఎవ‌రెవ‌రు ఎంతిచ్చార‌న్న వివరాల‌ను ప‌రిశీలిస్తే..

– యంగ్ టైగ‌ర్ ఎన్టీఆర్ వరద బాధితుల సహాయార్థం ఒక్కో రాష్ట్రానికి రూ. 50 ల‌క్ష‌లు చొప్పున రూ. కోటి విరాళాన్ని ప్ర‌క‌టించారు.

– వరద ప్రభావం కారణంగా ప్రజలు పడుతున్న కష్టాలపై ఆవేదన వ్యక్తం ప‌వ‌ర్ స్టార్ ప‌వ‌న్ క‌ళ్యాణ్.. ఏపీ సీఎం రిలీఫ్ ఫండ్ కు కోటి రూపాయలు విరాళం ప్రకటించారు.

– మెగాస్టార్ చిరంజీవి తెలుగు రాష్ట్రాల‌కు రూ.కోటి విరాళం ప్ర‌క‌టించారు. ఏపీ, తెలంగాణ‌కు చెరో రూ. 50ల‌క్ష‌ల చొప్పున ఇస్తున్నాన‌ని సోష‌ల్ మీడియా ద్వారా ప్ర‌క‌ట‌న చేశారు.

– వ‌ర‌ద బాధితుల‌కు అండంగా ఉండేందుకు సూప‌ర్ స్టార్ మ‌హేష్ బాబు కూడా ముందుకు వ‌చ్చారు. తెలంగాణ, ఆంధ్రప్రదేశ్ రెండు రాష్ట్రాల సీఎం రిలీఫ్ ఫండ్స్ కు రూ. 50 లక్షల చొప్పున ఆయ‌న విరాళం ప్రకటించారు.

– మాస్ కా దాస్ విశ్వ‌క్ సేన్ త‌న వంతుగా రెండు తెలుగు రాష్ట్రాల సీఎం రిలీఫ్ ఫండ్ కి రూ. 5 లక్షల చొప్పున ప్రకటించారు.

– కల్కి నిర్మాతలు వైజయంతి మూవీస్ ఏపీ సీఎం రిలీఫ్ ఫండ్ కు రూ. 25 లక్షలు విరాళం ప్ర‌క‌టించారు.

– యూత్ స్టార్ సిద్ధు జొన్న‌ల‌గ‌డ్డ రెండు తెలుగు రాష్ట్రాల సీఎం రిలీఫ్ ఫండ్స్ కు రూ. 15 లక్షల చొప్పున విరాళం అందిస్తాన‌ని ప్ర‌క‌ట‌న చేశాడు.

– ఇటీవ‌ల విడుద‌లై సూప‌ర్ హిట్ గా నిలిచిన ఆయ్ మూవీ టీమ్ త‌ర‌పున ప్రొడ్యూస‌ర్ బ‌న్నీ వాసు విరాళం ప్ర‌క‌టించారు. ఆయ్ సినిమాకు ఈ వారం అంతా వచ్చే కలెక్షన్స్ లో 25 శాతం ఏపీ రిలీఫ్ ఫండ్ కు అందిస్తామ‌ని తెలిపారు.

– న‌ట‌సింహం నంద‌మూరి బాల‌కృష్ణ ఏపీ, తెలంగాణ రాష్ట్రాల సీఎం రిలీఫ్ ఫండ్ కి రూ. 50 లక్షల చొప్పున ప్రకటించారు.

– ప్ర‌ముఖ నిర్మాతలు రాధాకృష్ణ, నాగవంశీ మ‌రియు డైరెక్ట‌ర్ త్రివిక్ర‌మ్ శ్రీ‌నివాస్ క‌లిసి రెండు తెలుగు రాష్ట్రాల‌కు రూ. 25 ల‌క్ష‌లు విరాళం ప్ర‌క‌టించారు.

– హీరోయిన్ అనన్య నాగళ్ళ సైతం వరద బాధితుల అండగా నిలిచింది. తెలుగు రాష్ట్రాల సీఎం సహాయనిధులకు రూ. 2.5 లక్షల చొప్పున విరాళమిచ్చింది.

– ప్ర‌ముఖ డైరెక్టర్ వెంకీ అట్లూరి రెండు తెలుగు రాష్ట్రాల సీఎం రిలీఫ్ ఫండ్ కి రూ. 5 లక్షల చొప్పున ప్రకటించారు.

– టాలీవుడ్ హీరో సందీప్ కిష‌న్ వ‌ర‌ద బాధితుల‌ను ఆదుకునేందుకు నేరుగా రంగంలోకి దిగారు. విజయవాడలో ముంపుకు గురయిన ప్రాంతాలకు త‌న టీమ్ ను స్వ‌యంగా పంపించి అక్కడి ప్రజలకు ఫుడ్, వాటర్ అందిస్తున్నారు.