యేళ్లు గడుస్తున్నా తన గ్లామర్‌‌తో సినీ లవర్స్‌ని మెస్మరైజ్ చేస్తూనే ఉంది శ్రియ శరణ్. తెలుగు, తమిళ, హిందీ భాషల్లో అడపా దడపా సినిమాలు చేస్తూ మెప్పిస్తోంది. మలయాళంలోనూ కొన్ని సినిమాలు చేసింది. కన్నడలో మాత్రం చాలా యేళ్ల క్రితం ఒక సినిమాలో గెస్ట్ అప్పియరెన్స్ ఇచ్చింది. కానీ ఇప్పుడు ఓ స్ట్రాంగ్‌ రోల్‌తో రాబోతోంది.
ఉపేంద్ర హీరోగా ‘కబ్జ’ అనే మూవీ తెరకెక్కుతున్న విషయం తెలిసిందే. ఇందులో సుదీప్‌ ఒక కీలక పాత్రలో కనిపించబోతున్నాడు. ప్యాన్ ఇండియా స్థాయిలో ఆర్.చంద్రు రూపొందిస్తున్న ఈ పీరియాడికల్ డ్రామాలో మధుమతి అనే పాత్రలో నటిస్తోంది శ్రియ. మహిళా దినోత్సవం సందర్భంగా తన లుక్‌ని రివీల్ చేశారు మేకర్స్. ఈ పోస్టర్ క్షణాల్లో వైరల్ అయిపోయింది. ఎందుకంటే అందులో శ్రియ అంత అందంగా ఉంది మరి.
ఎరుపు రంగు దుస్తులు.. ఒంటినిండా నగలు.. మతి పోగొట్టే సోయగం.. అణువణువునా కనిపిస్తున్న రాజసం.. చూడగానే వారేవా అనిపించేలా ఉంది శ్రియ లుక్. కెరీర్ ప్రారంభం నాటికీ ఇప్పటికీ ఆమెలో గ్లామర్ తగ్గలేదని, నేటికీ అంతే అందంగా ఉందని పొగిడేస్తున్నారంతా. ఈ ఒక్క లుక్‌తో ఆమె పాత్రపైన, సినిమా పైన కూడా అంచనాలు పెరిగిపోయాయి.
త్వరలో విడుదల కానున్న ‘ఆర్‌‌ఆర్‌‌ఆర్‌’లోనూ కనిపించి మురిపించనుంది శ్రియ. ఇందులో అజయ్ దేవగన్‌కి జోడీగా ఆమె నటించింది. ఇక ప్రస్తుతం మ్యూజిక్ స్కూల్‌ అనే సంగీత ప్రధాన చిత్రంలో నటిస్తోంది. తమిళంలో రెండు సినిమాలు ఉన్నాయి. హిందీలో ‘దృశ్యం 2’ రీమేక్‌తో పాటు మరో మూవీలోనూ యాక్ట్ చేస్తోంది. కెరీర్ ప్రారంభించి ఇరవయ్యేళ్లు దాటాక కూడా ఇన్ని సినిమాలు చేతిలో ఉండటం చిన్న విషయమైతే కాదు. ఆ విషయంలో శ్రియని మెచ్చుకోవాల్సిందే.
