`బంగార్రాజు` సినిమాతో బ్లాక్ బ‌స్ట‌ర్ హిట్‌ను ఖాతాలో వేసుకుని మంచి జోరు మీద ఉన్న టాలీవుడ్ కింగ్ నాగార్జున.. ప్ర‌స్తుతం ప్రవీణ్ సత్తారు ద‌ర్శ‌క‌త్వంలో ఓ మూవీ చేస్తున్న సంగ‌తి తెలిసిందే. ఈ ప్రాజెక్ట్‌కు `ది ఘోస్ట్‌` అనే టైటిల్‌ను ఖరారు చేశారు. శ్రీ వెంకటేశ్వర సినిమాస్ ఎల్ఎల్పి, నార్త్‌ స్టార్ ఎంటర్‌టైన్‌మెంట్ బ్యానర్‌లపై నారాయణ్ దాస్ కె నారంగ్, పుస్కూర్ రామ్ మోహన్ రావు, శరత్ మరార్ సంయుక్తంగా ఈ చిత్రాన్ని నిర్మిస్తున్నారు.
ఇందులో నాగార్జున స‌ర‌స‌న కాజ‌ల్ అగ‌ర్వాల్‌ను ఎంపిక చేశారు. కానీ, ప్రెగ్నెన్సీ కార‌ణంగా ఆమె ఈ సినిమా నుంచి త‌ప్పుకుంది. దాంతో కాజ‌ల్ స్థానంలో అమ‌లా పాల్‌, మెహ్రీన్‌, శ్రుతి హాస‌న్ ఇలా చాలా మంది పేర్లు వినిపించాయి. అయితే చివ‌ర‌కు సోనాల్ చౌహాన్ ఎంపికైంది. ఈ బ్యూటీతో నాగార్జున కొత్త షెడ్యూల్‌ను కూడా మొద‌లెట్టేశాడు.
అందుకోసం చిత్ర టీమ్ దుబాయ్‌లో వాలిపోయారు. ప్ర‌స్తుతం అక్క‌డ నాగార్జున, సోనాల్ చౌహాన్‌ల‌పై ఓ రొమాంటిక్ సాంగ్‌తో పాటు కొన్ని ముఖ్య‌మైన స‌న్నివేశాల‌ను చిత్రీక‌రిస్తున్నారు. తాజాగా ఆన్ లొకేషన్ స్టిల్ కూడా బ‌య‌ట‌కు వ‌చ్చి.. నెట్టింట వైర‌ల్‌గా మారింది. ఈ పిక్‌లో నాగ్‌, సోనాల్‌తో పాటు డైరెక్ట‌ర్ ప్రవీణ్ సత్తారు కూడా క‌నిపిస్తున్నారు.
కాగా, సోనాల్ చౌహాన్ విష‌యానికి వ‌స్తే.. బాలీవుడ్‌కి చెందిన ఈ ముద్దుగుమ్మ తెలుగులోనూ పాలు చిత్రాలు చేసింది. ముఖ్యంగా న‌ట‌సింహం నంద‌మూరి బాల‌కృష్ణ స‌ర‌స‌న ఏకంగా మూడు చిత్రాల్లో(డిక్టేటర్, లెజెండ్, రూలర్) న‌టించింది. అలాగే ఎన‌ర్జిటిక్ స్టార్ రామ్ పోతినేని హీరోగా తెర‌కెక్కిన `పండగచేస్కో` మూవీలోనూ మెరిసింది. ఇక ఇప్పుడు నాగార్జున చిత్రంలో ఆఫ‌ర్ కొట్టేసింది. ఈ సినిమా గనుక హిట్టైతే సోనాల్‌కు టాలీవుడ్‌లో మ‌రిన్ని అవ‌కాశాలు రావ‌డం ఖాయమ‌ని అంటున్నారు.
