ప‌విత్ర‌మైన తొలి ఏకాదశిని పురస్కరించుకుని కృష్ణా జిల్లా కూచిపూడిలోని రవిప్రకాష్ సిలికానాంధ్ర సంజీవని ఆసుపత్రిలో శ్రీ సత్యసాయి సంక్షేమ ట్రస్ట్ సహకారంతో ఉచిత డయాలసిస్ కేంద్రాన్ని (సాయి సౌఖ్యం) ప్రారంభించినట్లు సిలికానాంధ్ర సంస్థ వ్యవస్థాపకుడు ‘కూచిభొట్ల ఆనంద్’ ఓ ప్రకటనలో తెలిపారు.
కిడ్నీ వ్యాధిగ్ర‌స్థుల‌కు అత్యంత కీల‌క‌మైన, ప్రాణాధారమైన డ‌యాలిసిస్‌ను ఉచితంగా అందించేందుకు ర‌వి ప్ర‌కాశ్ సిలికానాంధ్ర సంజీవని ఆసుప‌త్రి ముందుకు వ‌చ్చింది.
ఈ కేంద్రంలో కిడ్నీ రోగుల‌కు ఉచితంగా డ‌యాలిసిస్ చేయ‌నున్నారు.
అదేవిధంగా ప్ర‌త్యేకంగా కేఫ్‌టేరియాను కూడా ప్రారంభించారు.
ఈ కేఫ్‌టేరియాలో రోగులు, వారి స‌హాయ‌కుల‌కు ప్ర‌తి రోజూ ఉచితంగా మ‌ధ్యాహ్న భోజ‌నాన్ని అందించ‌నున్నారు.
తొలి రోజు డ‌యాలిసిస్ కేంద్రం ప్రారంభోత్స‌వంలో ప్ర‌ఖ్యాత కూచిపూడి విధ్వాంసులు గురు చింతా ర‌వి బాలకృష్ణ గారి శిష్య బృందం సంప్ర‌దాయ కూడిపూడి నృత్యాన్ని అభినయించి.. ఆహూతుల‌ను మైమ‌ర‌పింపజేశారు.
అవ‌స‌రంలో ఉన్న‌వారికి నాణ్య‌మైన వైద్యాన్ని అందించేందుకు సంస్థ ఎప్పుడూ.. వారికి చేరువ‌లో ఉంటుంద‌ని నిర్వాహ‌కులు తెలిపారు.
