సూపర్ స్టార్ మహేష్ బాబు, దర్శకుడు పరుశురామ్ ల కాంబోలో తెరకెక్కిన ‘సర్కారువారి పాట’ చిత్రంపై మహేష్ బాబు అభిమానులు భారీ అంచనాలు పెట్టుకున్న సంగతి తెలిసిందే. తాజాగా విడదలైన ‘సర్కారు వారి పాట’ ట్రైలర్ తో పాటు ఇప్పటివరకు విడుదలైన అన్ని అప్డేట్స్ ట్రెండింగ్ లో ఉన్నాయి. కళావతి పాట చార్ట్ బస్టర్ గా నిలిచి యూట్యూబ్ లో రికార్డులకు క్రియేట్ చేస్తోంది. మైత్రీ మూవీ మేకర్స్ వారు ప్రతిష్టాత్మకంగా నిర్మిస్తున్న ఈ చిత్రం మే 12 న ప్రపంచ వ్యాప్తంగా విడుదల కానుంది.
రిలీజ్ డేట్ దగ్గర పడుతుండడంతో చిత్ర యూనిట్ ప్రమోషన్ల జోరు పెంచింది. ఈ క్రమంలోనే తాజాగా ఈ సినిమా ప్రీ రిలీజ్ ఈవెంట్ వేడుక తేదీని చిత్ర నిర్మాతలు అధికారికంగా ప్రకటించారు. ‘సర్కారు వారి పాట’ ప్రీ రిలీజ్ ఈవెంట్ మే 7 శనివారం సాయంత్రం హైదరాబాద్ లో ని యూసఫ్ గుడా పోలీస్ గ్రౌండ్స్ లో నిర్వహించబోతున్నామని వెల్లడించారు. అయితే, ఈ ప్రీ రిలీజ్ ఈవెంట్ కి గెస్ట్ గా ఎవరు వస్తున్నారన్నదానిపై సర్వత్రా ఆసక్తి ఏర్పడింది.
మెగాస్టార్ చిరంజీవి ఈ ఈవెంట్ కు చీఫ్ గెస్ట్ గా వస్తారని ప్రచారం జరుగుతోంది. కానీ, ఈ పోస్టర్ లో చీఫ్ గెస్ట్ ఉన్నారన్న విషయం కూడా చెప్పలేదు. దీంతో, అసలు గెస్ట్ లు ఎవరు రావడం లేదని మరో టాక్ ఉంది. 14 రీల్స్ ప్లస్ మైత్రి మూవీ మేకర్స్, జిఎంబి ఎంటర్ టైన్మెంట్స్ సంస్థలు సంయుక్తంగా సర్కార్ వారి పాట చిత్రాన్ని ప్రతిష్టాత్మకంగా తెరకెక్కిస్తున్నాయి. పరశురామ్ డైరెక్షన్ లో మహేష్ సరసన కీర్తి సురేష్ నటిస్తోన్న ఈ చిత్రం బ్యాంకింగ్ రంగంలో జరిగిన పలు కుంభకోణాల నేపథ్యంలో సాగనుందని తెలుస్తోంది.
