అఖండ చిత్రంలో నందమూరి నటసింహం, మాస్ కా బాప్ నందమూరి బాలకృష్ణ మంచి ఊపు మీదున్న సంగతి తెలిసిందే. కరోనా కోరల్లో చిక్కుకొని కొట్టుమిట్టాడుతున్న టాలీవుడ్ కు బాలయ్య కొత్త జోష్ ఇచ్చారు. తన కెరీర్ లోనే హయ్యెస్ట్ గ్రాసర్ గా అఖండ నిలవడంతో బాలయ్య కూడా మంచి జోరుమీదున్నారు. అఖండ తర్వాత వరుసగా సినిమాలను పట్టాలెక్కించేందుకు రెడీ అవుతున్నారు. వరుసగా యువ దర్శకులకు బాలయ్య బాబు అవకాశాలిస్తున్నారు
ఈ క్రమంలోనే టాలీవుడ్ లోని యంగ్ అండ్ టాలెంటెడ్ డైరెక్టర్ సంపత్ నంది బాలయ్యతో రచ్చ చేయబోతున్నాడట. ఈ విషయాన్ని సంపత్ నంది స్వయంగా వెల్లడించాడు. ఈ రోజు వేములవాడ దేవాలయానికి వెళ్లిన సంపత్ నంది…స్క్రిప్ట్ కాపీని శ్రీ రాజ రాజేశ్వర స్వామి పాదాల చెంత ఉంచి ప్రత్యేక పూజలు నిర్వహించామని తెలిపాడు. సంపత్ నంది ఆయన కుటుంబ సభ్యులు, కాంగ్రెస్ నేత ఆది శ్రీనివాస్ తదితరులు ఉన్నారు.
‘అఖండ’ తర్వాత దర్శకుడు గోపీచంద్ మలినేనితో బాలకృష్ణ 107వ సినిమా చేస్తున్న సంగతి తెలిసిందే. ‘అఖండ’ విడుదలకు ముందు నవంబర్ నెలలో ఆ సినిమా పూజా కార్యక్రమాలు జరిగాయి. ఆ తర్వాత 108వ సినిమా అనిల్ రావిపూడి దర్శకత్వంలో ఉంటుందని టాక్ వచ్చింది. అనిల్ రావిపూడి బాలకృష్ణ కోసం ఆల్రెడీ ఓ కథ రెడీ చేశారు. గోపీచంద్ సినిమా తర్వాత ఈ సినిమా మొదలయ్యే అవకాశముంది.
