దక్షిణాదిలోని స్టార్ హీరోయిన్లలో ఒకరిగా గుర్తింపు తెచ్చుకున్న సమంత రూత్ ప్రభు ఇటీవల మయోసైటిస్ అనే అరుదైన వ్యాధి బారినబడి కోలుకుంటున్న సంగతి తెలిసిందే. హీరో అక్కినేని నాగచైతన్యతో విడాకుల తర్వాత సమంత ఎక్కడా కూడా అక్కినేని ఫ్యామిలీ గురించి గానీ చైతూ గురించి గానీ నాగార్జున గురించి గానీ కామెంట్లు చేసిన దాఖలాలు లేవు. అయితే, అనూహ్యంగా తాజాగా సమంత తాజాగా అక్కినేని పేరును ప్రస్తావించింది.
తాజాగా అఖిల్ అక్కినేని పుట్టినరోజు సందర్భంగా అఖిల్ కు సమంత శుభాకాంక్షలు తెలిపింది. అఖిల్ పుట్టినరోజు సందర్భంగా ఏజెంట్ చిత్రం విడుదల చేసిన పోస్టర్ ను ఇన్ స్టాగ్రామ్ లో సమంత షేర్ చేస్తూ అఖిల్ కు బర్త్ డే విషెస్ చెప్పడం హాట్ టాపిక్ గా మారింది. చైతూతో విడాకులు తీసుకోవడానికి ముందు కూడా అఖిల్ విషయంలో సమంత పాజిటివ్ గా ఉండేది. విడాకుల తర్వాత కూడా సమంత విషయంలో అఖిల్ పాజిటివ్ గానే ఉంటున్నాడు.
ఈ క్రమంలోనే ఇన్ స్టాలో అఖిల్ కు సమంత హ్యాపీ బర్త్ డే చెప్పింది. అంతేకాదు, ఏప్రిల్ 28న విడుదల కాబోతున్న ఏజెంట్ చిత్రం ఘన విజయం సాధించాలని కోరుకుంటున్నాను అని సమంత పోస్ట్ చేసింది. ఏదేమైనా మాజీ మరిది అఖిల్ కు సమంత బర్త్ డే విషెస్ చెప్పిన పోస్ట్ సోషల్ మీడియాలో వైరల్ గా మారింది. ఇక, సమంత విష్ చేస్తుందని అఖిల్ కూడా ఊహించి ఉండడని, కానీ, ఆమె విషెస్ చెప్పడం సంతోషమని అఖిల్ ఫ్యాన్స్ సోషల్ మీడియాలో సంబరపడుతున్నారు.
