సినీ రంగం అనేది ఓ రంగుల ప్రపంచం. అందుకే ఇక్కడ తమ రంగుల కలలను నిజం చేసుకోవడానికి చాలామంది ఎన్నో ఏళ్లుగా ఎదురు చూస్తూ ఉంటారు. ముఖ్యంగా ఇండస్ట్రీలో హీరోయిన్లుగా రాణించేందుకు ఎంతోమంది యువతులు తమ అదృష్టాన్ని పరీక్షించుకుంటూ ఉంటారు. అయితే, హీరోయిన్ గా రాణించేందుకు అందంతోపాటు అభినయం కూడా ముఖ్యమే. కానీ, ప్రస్తుతం మారుతున్న ట్రెండ్ ప్రకారం అందానికే ఒకింత ప్రాధాన్యతను ఇస్తున్నారు.
దీంతో, హీరోయిన్లు పర్ఫెక్ట్ గా మారిపోయి తమ ముఖంలోని చిన్న చిన్న లోపాలను సరిదిద్దుకునేందుకు, తమ శరీరాకృతిలో చిన్న చిన్న మార్పులను చేయించుకునేందుకు కూడా వెనుకాడడం లేదు. ఈ నేపథ్యంలోనే సౌత్ ఇండియాలో స్టార్ హీరోయిన్ గా గుర్తింపు పొందిన సమంత కూడా ప్లాస్టిక్ సర్జరీ చేయించుకుంది అనే వార్త సోషల్ మీడియాలో వైరల్ గా మారింది. గుర్తుపట్టలేని రీతిలో ఉన్న సమంత ఫోటో ఒకటి ఇప్పుడు నెట్టింట హల్ చల్ చేస్తోంది.
అయితే, టాలీవుడ్ తో పాటు బాలీవుడ్, హాలీవుడ్ ప్రాజెక్టులతో సమంత బిజీగా ఉన్న సంగతి తెలిసిందే. ఈ క్రమంలోనే ఇటీవల హాలీవుడ్ ప్రాజెక్ట్ కోసమే సమంత ఈ కొత్త లుక్ లో కనిపిస్తోందని ప్రచారం జరుగుతుంది. అయితే, ఆ సినిమా షూటింగ్ కోసం ఫారిన్ వెళ్ళిన సమంత పనిలో పనిగా ప్లాస్టిక్ సర్జరీ చేయించుకుని మరింత అందంగా తయారవ్వాలని చూస్తోందని కొంతమంది నెటిజన్లు కామెంట్లు చేస్తున్నారు.
ఏది ఏమైనా ఈ విషయంపై సమంత క్లారిటీ ఇస్తే గాని అసలు సంగతి ఏంటి అనేది వెల్లడి కాదని మరికొందరు కామెంట్లు పెడుతున్నారు. ఇక, సమంతతోపాటు హీరోయిన్ కాజల్ కూడా ప్లాస్టిక్ సర్జరీ చేయించుకుందని, ఆమె ముఖంలో కూడా స్పష్టమైన మార్పులు కనిపిస్తున్నాయని కొందరు అంటున్నారు.
