సమంత… త‌దుప‌రి ‘మ‌హాన‌టి’!

టాలీవుడ్‌లో ఇప్పుడు స‌మంత ప్ర‌భంజ‌నం న‌డుస్తోంది. తాజాగా ఆమె న‌టించిన యశోద విమ‌ర్శ‌కుల ప్ర‌శంస‌లు కూడా పొందింది. ఇందులో స‌రోగ‌సి మ‌మ్మీగా సమంత చేసిన అభిమ‌నం ప్రేక్ష‌కుల‌ను ఆక‌ట్టుకుంది. ‘ఏం మాయ చేశావే’ సామ్‌.. త‌దుప‌రి ‘మ‌హాన‌టి’ నువ్వేన‌ట‌గా అంటూ ఆమె అభిమానులు నెట్టింట కురిపిస్తున్న ప్ర‌శంస‌ల జ‌ల్లులో స‌మంత త‌డిచిముద్ద‌వుతోంది.

ఆమె సినిమాలు, జిమ్‌లో ఆమె చేసే క‌స‌ర‌త్తులు, ఆమె వ్యాఖ్య‌లు, ఆమె వైవాహిక జీవితానికి సంబంధించిన విశేషాలు, ఇలా ఏదో ఒక్క‌దానితో ఆమె నిత్యం వార్త‌లో నిలుస్తుంటారు. సామాజిక మాధ్య‌మాల్లో నెటిజ‌న్ల‌కు ఆమె చ‌ర్చ‌నీయాంశంగా మారుతుంటారు. తాగా ఇప్పుడు ఆమె ఇద్ద‌రు స్టార్ నిర్మాతల నుంచీ అందుకున్న ప్ర‌శంస వైర‌ల్ మారింది.

ఆహా ఓటీటీ ప్లాట్‌ఫామ్‌పై నంద‌మూరి బాల‌కృష్ణ నిర్వ‌హిస్తున్న టాక్ షో అన్‌స్టాప‌బుల్. ఇది ఎంత పాపుల‌ర్ అయిందో అంద‌రికీ తెలిసిందే. ఇప్పుడు ఈ టాక్‌షో రెండో సీజ‌న్  కూడా బాల‌య్య ప్రారంభించారు. ఆంధ్రుల అభిమాన న‌టుడు ఎన్టీఆర్ శ‌త‌జ‌యంతి సంద‌ర్భంగా ఈ షోలో ఇద్ద‌రు స్టార్ నిర్మాల‌తో బాల‌య్య నిర్వ‌హించిన టాక్ షో ఇప్పుడు వైర‌ల్ గా మారింది. సురేష్ ప్రొడ‌క్ష‌న్స్ అధినేత సురేష్‌బాబు, గీతా ఆర్ట్స్ అధినేత అల్లు అర‌వింద్‌ల‌తో ఈ టాక్ షో నిర్వ‌హించారు. మ‌ధ్య‌లో ద‌ర్శ‌కేంద్రుడు కే.రాఘ‌వేంద్ర‌రావు కూడా కొంత‌సేపు ఇందులో మెరిశారు.

మ‌హాన‌టి సావిత్రీ జివిత క‌థ ఇతివృత్తంగా కీర్తి సురేష్ హీరోయిన్‌గా వైజ‌యంతి మూవీస్ నిర్మించిన మ‌హాన‌టి ఎంత‌టి సంచ‌ల‌న విజ‌యం న‌మోదు చేసుకుందో అంద‌రికీ తెలిసిందే.  మ‌హాన‌టి సావిత్ర న‌ట‌నకు ఫిదా అవ్వ‌ని తెలుగు ప్రేక్ష‌కుడు లేడు. సావిత్రి త‌రువాత తెలుగు తెర‌పై అంత‌టి స్థాయి న‌ట‌న‌తో పేరు తెచ్చుకున్న త‌దుప‌రి త‌రం న‌టీమ‌ణీ సౌంద‌ర్య‌. చ‌క్క‌టి హావ‌భావాల‌తో ఆమె తెలుగు ప్రేక్ష‌కుల గుండెల్లో చిర‌స్థాయిగా నిలిచిపోయారు.

అయితే ఇప్ప‌టి త‌రం హీరోయిన్ల‌లో అలా మ‌హాన‌టి సావిత్రి స్థాయిలో న‌టించ‌గ‌లిగే వారు ఎవ‌రైనా ఉన్నారా అంటే సందేహాస్ప‌దంగానే ఉంటుంది.  అన్‌స్టాప‌బుల్-2 టాక్ షోలో బాల‌య్య ఇదే ప్ర‌శ్న‌ను స్టార్ నిర్మాత‌లు సురేష్‌బాబు, అల్లు అరవింద్‌ల‌ను అడిగారు. ఆశ్చ‌ర్య‌క‌రంగా ఈ ఇద్ద‌రూ కూడా  స‌మంత‌ పేరును ప‌ల‌క‌పై రాసి చూపించారు. ఈ త‌రం న‌టీమ‌ణుల్లో ఆ స్టామియాన కేవ‌లం స‌మంత‌కు మాత్ర‌మే ఉంద‌ని చెప్పారు.  ఒక‌వేళ మ‌హాన‌టి స్థాయి గుర్తింపు పొంద‌గ‌లిగితే స‌మంత మాత్ర‌మే ఆ గుర్తింపు పొంద‌గ‌ల‌ద‌ని చెప్పారు. ఇప్పుడీ వ్యాఖ్య‌ల నెట్టింట వైర‌ల్ మారాయి.

ఒకేసారి ఇద్ద‌రు స్టార్ నిర్మాత‌ల నుంచీ ఇంత‌టి గుర్తింపు పొందిన స‌మంత‌ను ఆమె అభిమానులు ప్ర‌శంస‌ల‌తో ముంచెత్తుతున్నారు. సామాజిక మాధ్య‌మాల్లో ఫేస్‌బుక్‌, ట్విట్ట‌ర్‌, ఇన్‌స్టాగ్రామ్‌ల్లో స‌మంత అభిమానుల సామ్‌ను ఆకాశానికెత్తేస్తూ పొగ‌డ్త‌ల వ‌ర్షం కురిపిస్తున్నారు.

#Samantha pic.twitter.com/zM8fPxH1e3

— HD PICS (@HDPICS6) October 24, 2022