రాజకీయ నాయకులు కొండా మురళి మరియు కొండా సురేఖపై దర్శకుడు రామ్ గోపాల్ వర్మ రూపొందించిన చిత్రం ట్రైలర్‌ను విడుదల చేశారు. ‘కొండా’ ట్రైలర్ RGV వాయిస్ ఓవర్‌తో ప్రారంభమవుతుంది. అతను ‘ఎక్స్‌ట్రీమ్ పీపుల్ ఎమర్జ్ ఫ్రమ్ ఎక్స్‌ట్రీమ్ సిట్యుయేషన్’ అనే కార్ల్ మాక్స్ కోట్‌ను ఉదహరిస్తూ చాలా ఇంటెన్సిటిీతో ట్రైలర్ విడుదల చేశాడు.
‘కొండా’ కథ 1970ల చివర్లో మరియు 1980ల ప్రారంభంలో వరంగల్‌లో జరుగుతుంది. కొండా మురళి పాత్రలో నటుడు తిర్గుణ్ నటించగా, నాగ్ ‘ఆఫీసర్’ ఫేమ్ ఇర్రా మోర్ కొండా సురేఖగా నటించారు.
మురళి సురేఖ కాలేజీ మేట్స్‌గా కనిపిస్తారు. చివరికి ప్రేమలో పడతారు. కానీ మురళి మావోయిస్టుల (నక్సల్) ఉద్యమం పట్ల ఆకర్షితుడవుతాడు. ఆ తర్వాత ఎదిగి రాజకీయాల్లోకి ఎలా అడుగుపెట్టాడనేది కథాంశం.
ట్రయిలర్ సాంకేతికంగా పేలవంగా ఉన్నా… కథలో ఇంటెన్సిటీ వల్ల బాగా వైరల్ అవుతోంది. ఆర్జీవీ గత చిత్రాల్లాగే ‘కొండా’ వేగంగా కనుమరుగు అవుతుందా… లేకపోతే వైరల్ అవుతుందా అన్నది చూడాలి.
