అమెరికాలో ప్రముఖ ఎన్నారై, వ్యాపారవేత్త రవి మందలపును ఇటీవల జరిగిన TANA 23వ మహా సభల సందర్భంగా టీడీపీ ఎన్నారైల తరఫున జోన్-2 కో ఆర్డినేటర్ గా నియమించిన సంగతి తెలిసిందే. రాబోయే సార్వత్రిక ఎన్నికలలో అనుసరించాల్సిన వ్యూహంపై ఎన్నారై టీడీపీ నేతలు, కార్యకర్తలు సమావేశమై టీడీపీ ఎన్నారై నేతలకు సంబంధించి ఏపీలోని ఉభయ గోదావరి జిల్లాలను జోన్-2 గా నిర్ణయించారు. ఈ జోన్-2 కు రవి మందలపు కో ఆర్డినేటర్ గా నియమితులయ్యారు.
ఈ క్రమంలోనే స్వదేశంలో పర్యటిస్తున్న రవి మందలపు తన జన్మదిన వేడుకలను హైదరాబాద్ లోని భూజలో తన మిత్రులు, శ్రేయోభిలాషుల సమక్షంలో ఘనంగా జరుపుకున్నారు. రవి మందలపు జన్మదిన వేడుకలకు మైత్రి మూవీ మేకర్స్ అధినేత, ప్రముఖ నిర్మాత నవీన్ ఎర్నేని స్వయంగా హాజరయ్యారు. మందలపు రవికి బర్త్ డే విషెస్ చెబుతూ ఆప్యాయంగా కేక్ తినిపించారు. రవి మందలపు బర్త్ డే సెలబ్రేషన్స్ కు నవీన్ ఎర్నేనితోపాటు పలువురు వ్యాపారవేత్తలు హాజరయ్యారు. రవి మందలపు పుట్టినరోజు సందర్భంగా ఆయనకు రాజకీయ, సినీ రంగాలకు చెందిన ప్రముఖులు జన్మదిన శుభాకాంక్షలు తెలిపారు.
