యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్ చరణ్ ల కాంబోలో దర్శక దిగ్గజం, ‘మహా రాజ’మౌళి తెరకెక్కించిన ‘ఆర్ఆర్ఆర్’ బ్లాక్ బస్టర్ హిట్ టాక్ తో దూసుకుపోతోన్న సంగతి తెలిసిందే. ఈ సినిమాను ఇగ్నోర్ చేసిన బాలీవుడ్ లో సైతం రూ. 200 కోట్ల వసూళ్లు కొల్లగొట్టే దిశగా ఈ సినిమా రికార్డు క్రియేట్ చేసింది. ఇఖ, ప్రపంచవ్యాప్తంగా రూ.900 కోట్లు కొల్లగొట్టిన రామ్, భీమ్ లు….1000 కోట్ల క్లబ్ వైపు మన్యం పులుల్లా పరుగులుపెడుతున్నారు.
రికార్డు కలెక్షన్స్ తో బాక్సాఫీస్ ను షేక్ చేస్తున్న ‘ఆర్ఆర్ఆర్’ చిత్రం మరో అరుదైన రికార్డును సొంతం చేసుకుంది. ప్రముఖ ఇంటర్నేషనల్ మూవీ డేడా బేస్ సంస్థ (ఐయండీబీ)లో ప్రస్తుతం మోస్ట్ పాపులర్ సినిమాల లిస్ట్ లో టాప్ 5 లో నిలిచిన ఏకైక ఇండియన్ సినిమాగా ‘ఆర్ఆర్ఆర్’ చరిత్ర పుటలకెక్కింది. మరోవైపు ఈ సినిమా నైజాం ఏరియా డిస్ట్రిబ్యూషన్ హక్కులను తీసుకున్న ప్రముఖ నిర్మాత దిల్ రాజు…’ఆర్ఆర్ఆర్’ టీమ్ కు గ్రాండ్ సక్సెస్ పార్టీ ఇచ్చారు.
హైదరాబాద్ లోని ఎన్ కన్వెన్షన్ లో జరిగిన ఈ పార్టీకి తారక్, చరణ్, రాజమౌళిలు లు కుటుంబ సమేతంగా రాగా, కీరవాణి, దర్శకుడు అనిల్ రావిపూడితో పాటు ‘ఆర్ఆర్ఆర్’ టీమ్ సభ్యులు, ఇతర టాలీవుడ్ ప్రముఖులు, టీఆర్ఎస్ ఎంపీ జోగినపల్లి సంతోష్ కూడా అటెండ్ అయ్యారు. ఇక, గతంలో తారక్ చెప్పినట్టుగానే ఈ సినిమా హిట్ కావడంతో పార్టీలో రాజమౌళి ‘నాటు నాటు’ పాటకు స్టెప్పులు వేసి అలరించారు. అనిల్ రావిపూడితో కలిసి జక్కన్న చిందులేసిన వీడియో వైరల్ అయింది.
Fantastic visual from last night party hosted by Dil Raju. @tarak9999 & @AlwaysRamCharan directed while @ssrajamouli & @AnilRavipudi performed the iconic #NaatuNaatu step???????? pic.twitter.com/PdWs6axnNG
— Shreyas Sriniwaas (@shreyasmedia) April 5, 2022
