టాలీవుడ్ ప్రిన్స్ మ‌హేశ్‌ బాబు ప్ర‌స్తుతం కీర్తి సురేష్‌తో క‌లిసి ప‌రుశురామ్ ద‌ర్శ‌క‌త్వంలో `స‌ర్కారు వారి పాట` సినిమా చేస్తున్నాడు. శ‌ర‌వేగంగా షూటింగ్ జ‌రుపుకుంటున్న ఈ చిత్రం మే 12న విడుద‌ల కానుంది. ఈ మూవీ అనంత‌రం మ‌హేశ్‌ బాబు మాట‌ల మాంత్రికుడు త్రివిక్ర‌మ్ శ్రీ‌నివాస్‌తో త‌న 28వ ప్రాజెక్ట్‌ను చేయ‌నున్న‌ట్లు ఇప్ప‌టికే ప్ర‌క‌టించాడు. ఇందులో పూజా హెగ్డే హీరోయిన్ కాగా.. ఫిబ్ర‌వ‌రి తొలి వారం పూజా కార్య‌క్ర‌మాల‌తో ఈ చిత్రం ప్రారంభ‌మైంది.
ఇక‌పోతే మ‌హేశ్‌ బాబు, ద‌ర్శ‌క‌ధీరుడు రాజ‌మౌళి కాంబినేష‌న్‌లో ఓ సినిమా రాబోతున్న విష‌యం తెలిసిందే. దీనిపై గ‌త ఏడాదే అధికారిక ప్ర‌క‌ట‌న కూడా వ‌చ్చింది. సీనియ‌ర్ నిర్మాత కేఎల్ నారాయణ భారీ బ‌డ్జెట్‌తో పాన్ ఇండియా లెవ‌ల్‌లో ఈ చిత్రాన్ని నిర్మించ‌బోతున్నారు. మహేష్ ఇమేజ్ కు తగ్గట్లుగా, ఆయన బాడీ లాంగ్వేజ్ కు సూట్ అయ్యే విధంగా ప్ర‌ముఖ స్టార్ రైట‌ర్‌, రాజ‌మౌళి తండ్రి విజయేంద్ర ప్రసాద్ కథను సిద్ధం చేస్తున్నారు.
అయితే ఈ సినిమాను అనౌన్స్ చేసిన ద‌గ్గ‌ర నుంచీ సోష‌ల్ మీడియాలో ఎన్నో చ‌ర్చ‌లు జ‌రుగుతున్నాయి. క‌థ ఏంటీ..? ఏ జోన‌ర్‌లో ఉంటుంది..? హీరోయిన్ ఎవ‌రు..? ఇలా అనేక ప్ర‌శ్న‌లు తెర‌పైకి వ‌చ్చాయి. ఆ మ‌ధ్య ఓ ఇంటర్వ్యూలో విజయేంద్ర ప్రసాద్ మాట్లాడుతూ.. ఆఫ్రికా అడవుల నేపథ్యంలో అడ్వెంచర్ థ్రిల్లర్‌గా ఈ సినిమా ఉంటుంద‌ని చెప్పారు.
ఆ త‌ర్వాత మ‌రే న్యూస్ బ‌య‌ట‌కు రాలేదు. అయితే తాజాగా రాజ‌మౌళి.. మ‌హేశ్‌ ఫ్యాన్స్‌కు ఓ అదిరిపోయే న్యూస్ చెప్పారు. ప్ర‌స్తుతం ఈయ‌న `ఆర్ఆర్ఆర్` ప్ర‌మోష‌న్స్ కోసం ఎన్టీఆర్‌, రామ్ చ‌ర‌ణ్‌ల‌తో క‌లిసి దేశం మొత్తం చుట్టేస్తున్నారు. ఇందులో భాగంగానే ఒక బాలీవుడ్ మీడియాకు ఇంట‌ర్వ్యూ ఇవ్వ‌గా.. అక్క‌డ మ‌హేశ్‌ బాబు సినిమా ప్ర‌స్తావ‌న వ‌చ్చింది.
దాంతో రాజ‌మౌళి స్పందిస్తూ.. మ‌హేశ్‌ బాబుతో చేయబోయే సినిమా మామూలుగా ఉండదు. బాహుబ‌లి, ఆర్ఆర్ఆర్ చిత్రాల‌ను మించిపోతుంద‌ని బిగ్ స్టేట్మెంట్ ఇచ్చారు. ఈయ‌న మాట‌ల‌తో సినిమా ఏ స్థాయిలో ఉంటుందో స్ప‌ష్టంగా అర్థ‌మ‌వ‌డంతో.. అభిమానుల ఆనందానికి అవ‌ధులు లేకుండా పోయాయి. కాగా, ఆర్ఆర్ఆర్ విడుద‌ల అవ్వ‌గానే రాజ‌మౌళి ఫ్యామిలీతో క‌లిసి వెకేష‌న్‌కు వెళ్ల‌నున్నారు. వెకేష‌న్ పూర్తైన త‌ర్వాత మహేష్ ప్రాజెక్ట్ సెట్స్ మీద‌కు వెళ్ల‌నుంద‌ని.. 2024లో సినిమా రిలీజ్ అయ్యే అవ‌కాశాలు ఉన్నాయ‌ని అంటున్నారు.
