తెలుగు సినీ వినీలాకాశంలోని స్టార్ హీరోలలో ఒకడిగా యంగ్ టైగర్ జూనియర్ ఎన్టీఆర్ వెలిగిపోతోన్న సంగతి తెలిసిందే. ‘బిగ్ బాస్’, ‘ఎవరు మీలో కోటీశ్వరులు’ వంటి రియాలిటీ షోలతో ఇటు బుల్లితెరపై కూడా తారక్ తన మార్క్ మ్యాజిక్ తో ప్రేక్షకులను కట్టిపడేస్తున్నాడు. ఆట నాది…కోటి మీది అంటూ తారక్ మొదలుబెట్టిన ఈ షోకు మంచి ఆదరణ లభిస్తోంది. ఇక ఈ షో కర్టెన్ రైజర్ ఎపిసోడ్ లో గెస్ట్గ్ గా ‘ఆర్ఆర్ఆర్’ లో అల్లూరి సీతారామరాజుగా నటిస్తోన్నరామ్ చరణ్ తేజ్ పాల్గొనడంతో ఆ ఎపిసోడ్ కు రికార్డు స్థాయిలో టీఆర్పీలు వచ్చాయి.
ఈ క్రమంలోనే తాజాగా ఈ షోకి మరింత వన్నె తెచ్చేందుకు ఇద్దరు టాలీవుడ్ స్టార్ డైరెక్టర్లు రాబోతున్నారు. టాలీవుడ్ దర్శక ధీరుడు రాజమౌళితో పాటు విలక్షణ దర్శకుడు కొరటాల శివలు తారక్ తో హాట్ సీట్ పంచుకోబోతున్నారు. తాజాగా ఈ ఎపిసోడ్ కు సంబంధించిన ప్రోమోను షో నిర్వాహకులు అధికారికంగా వదిలారు. జక్కన్నతో తారక్ ఆట..మాటలతో ఉన్న ఈ ప్రోమో ఇప్పుడు సోషల్ మీడియలో ట్రెండ్ అవుతోంది.
సెప్టెంబర్ 20 సోమవారం నాడు ఈ ఎపిసోడ్ ప్రసారం కాబోతోందని తెలుస్తోంది. రాజమౌళి, తారక్ ల కాంబోలో ‘ఆర్ఆర్ఆర్’ విడుదలకు సిద్ధమవుతుండగా…ఆ తర్వాత ‘ఎన్టీఆర్ 30’ చిత్రానికి కొరటాల శివ దర్శకత్వం వహించబోతున్నారు. దీంతో, ఈ రెండు చిత్రాలకు సంబంధించిన అప్డేట్లు ఈ షోలో లీక్ అయ్యే చాన్స్ ఉంది. దీంతో, ఈ షోపై సర్వత్రా ఆసక్తి ఏర్పడింది. ఇద్దరు దర్శకులతో తారక్ ఆడుతున్న ఆటకు టీఆర్పీ కూడా కర్టెన్ రైజర్ ఎపిసోడ్ ను దాటే అవకాశముంది.
కొద్ది రోజుల క్రితం ‘ఎవరు మీలో కోటీశ్వరులు’ షూటింగ్ జరుగుతున్న అన్నపూర్ణ స్టూడియోస్ లో ఆర్ఆర్ఆర్ చిత్ర పోస్ట్ ప్రొడక్షన్ పనుల్లో బిజీగా ఉన్న రాజమౌళి కనిపించారు. ఎటూ అన్నపూర్ణ స్టూడియోలో ఉన్నారు కాబట్టి…పనిలో పనిగా తారక్ షోలో గెస్ట్ గా కనిపిస్తే బాగుంటుందని షో నిర్వాహకులు భావించారని, దీనికితోడు తారక్ తో జక్కన్నకున్న అనుబంధం నేపథ్యంలో షోలో పార్టిసిపేట్ చేయడానికి జక్కన్న అంగీకరించారని కొద్ది రోజుల క్రితం పుకార్లు వచ్చాయి. తాజాగా ప్రోమో కూడా రావడంతో ఆ పుకార్లు నిజమయ్యాయి.
