గత నాలుగు రోజుల నుంచి టాలీవుడ్ లో హీరో రాజ్ తరుణ్, అతని ప్రేయసి లావణ్యల వ్యవహారం హాట్ టాపిక్ గా మారిన సంగతి తెలిసిందే. రాజ్ తరుణ్ ప్రేమ పేరుతో తనను అన్ని ర‌కాలుగా వాడుకుని ఇప్పుడు వ‌దిలేశాడంటూ లావణ్య హైదరాబాద్ లోని నార్సింగి పోలీస్ స్టేషన్ లో ఫిర్యాదు చేసింది. 11 ఏళ్లుగా తాము ప్రేమలో ఉన్నామ‌ని.. ఒకే ఇంట్లో సహజీవనం చేశామ‌ని.. గుడిలో అన్ అఫీషియ‌ల్‌గా పెళ్లి కూడా చేసుకున్నామ‌ని లావణ్య పేర్కొంది. అయితే తిరగబడరా సామీ సినిమా హీరోయిన్ మాల్వి మల్హోత్రాతో ఎఫైర్ పెట్టుకుని రాజ్ తరుణ్ తనను వ‌దిలేశాడంటూ లావణ్య పోలీసుల‌కు ఫిర్యాదు చేసింది.
అలాగే రాజ్ తరుణ్ కు దూరంగా ఉండ‌మ‌ని మాల్వి మరియు ఆమె బ్ర‌ద‌ర్ తనను బెదిరించార‌ని కూడా లావణ్య ఆరోప‌ణ‌లు చేసింది. అయితే హీరో రాజ్ తరుణ్ వెర్షన్ మాత్రం మరో విధంగా ఉంది. లావణ్యతో ప్రేమలో పడడం, సహజీవనం చేయడం నిజమే అని ఒప్పుకున్న రాజ్ తరుణ్.. 2017 లోనే ఆమెతో రిలేషన్ కట్ చేసినట్టు వెల్లడించాడు. లావణ్యతో విడిపోవ‌డానికి కార‌ణం మాల్వి కాద‌ని స్ప‌ష్టం చేశాడు. లావణ్య డ్రగ్స్ కు మరియు చెడు స్నేహాలకు అలవాటు పడటం వల్లే ఆమెకు దూరం అయ్యానంటూ రాజ్ తరుణ్ పేర్కొన్నాడు. డ‌బ్బుల కోస‌మే ఆమె ఇదంతా చేస్తుంద‌ని అంటున్నాడు.
ఈ క్ర‌మంలోనే రాజ్ తరుణ్, లావణ్య ఒక‌రి గురించి ఒక‌రు ఎన్నో సంచ‌ల‌న విష‌యాల‌ను బ‌ట‌య‌పెట్టుకుంటున్నారు. ఒక‌రిపై ఒక‌రు అనేక ఆరోప‌ణ‌లు చేసుకుంటున్నారు. రాజ్ తరుణ్ లేకుండా నేను బ‌త‌క‌లేన‌ని లావణ్య అంటుంటే.. ఆమెతో తాను ఉండ‌లేన‌ని, ఏదైనా లీగ‌ల్ గానే తేల్చుకుంటాన‌ని రాజ్ తరుణ్ చెబుతున్నారు. మ‌రోవైపు వీరి కేసులో విచార‌ణ చేప‌ట్టిన నార్సింగి పోలీసులు.. రెండు రోజుల క్రితం రాజ్ త‌రుణ్‌పై ఫిర్యాదు చేసిన లావణ్యకు నోటీసులు పంపించారు.
ఫిర్యాదులో పేర్కొన్న అంశాలపై ఆధారాలు ఇవ్వాలంటూ నోటీసుల్లో కోరారు. అయితే లావణ్య మాత్రం ఇంతవ‌ర‌కు ఆ నోటీసులకు స్పందించలేద‌ట. విచార‌ణ‌లో భాగంగా పోలీసులు మ‌రోసారి ఆధారాలు ఏవని అడుగగా.. వాటిని చూపించడంలో లావణ్య ఫెయిల్ అయిందట. దాంతో లావణ్య అడ్డంగా ఇరుక్కుంద‌ని.. రాజ్ తరుణ్ సేఫ్ అయిన‌ట్లే అని, అత‌నికి క్లీన్ చిట్ వచ్చే అవకాశాలు ఉన్నాయ‌ని అంటున్నారు.
