ప్రభాస్… టాలీవుడ్, బాలీవుడ్ లలో తరచుగా ట్రెండింగ్ అవుతున్న హీరో.
యూత్ లో అమ్మాయిల్లో భారీగా ఫాలోయింగ్ పెరుగుతోంది.
ఇటీవల అత్యంత అందమైన ఆసియా పురుషుల జాబితాలో అగ్రస్థానంలో నిలిచిన విషయం తెలిసిందే.
ఈ రెబెల్ స్టార్ గురించి ఇక్కడ ఇంకో విషయం కూడా చెప్పుకోవాలి.
ప్రభాస్ ఫేస్‌బుక్‌లో అత్యధికంగా ఫాలోయర్స్ ఉన్న 10 భారతీయ నటులలో ఒకరుగా నిలిచారు.
ఫేస్‌బుక్ … ఇండియాలో అతిపెద్ద సోషల్ నెట్‌వర్కింగ్ సైట్ అని తెలిసిందే. ఇందులో ఇంటర్నెట్ వాడే వారిలో 80 శాతం మంది తమ అక్కౌంట్లు కలిగి ఉన్నారు. ఈ పాపులర్ సోషల్ మీడియాలో ప్రభాస్ టాప్ 10 లో చోటు సంపాదించుకున్న ఏకైక దక్షిణ భారత నటుడుగా గుర్తింపు పొందాడు. ప్రభాస్ ర్యాంక్ 9 వ స్థానం.
ఇక ఈ జాబితాను పరిశీలిస్తే సల్మాన్ ఖాన్ 50.7 మిలియన్ల మంది ఫాలోవర్స్‌తో అగ్రస్థానంలో ఉన్నారు, అక్షయ్ కుమార్ 48 మిలియన్లతో, షారుఖ్ ఖాన్ 42.6 మిలియన్లతో రెండు, మూడు స్థానాల్లో ఉన్నారు. నాల్గవ స్థానంలో అమితాబ్ బచ్చన్, తర్వాత కపిల్ శర్మ, హృతిక్ రోషన్, టైగర్ ష్రాఫ్ మరియు అజయ్ దేవగన్ ఉన్నారు.
ప్రభాస్ ఫేస్‌బుక్‌లో 24 మిలియన్లు (2.4 కోట్లు) ఫాలోయర్లతో 9 వ స్థానంలో ఉన్నారు. బాహుబలి ద్వారా దేశమంతటికీ పరిచయం అయిన ప్రభాస్ అదే సినిమాతో భారీ పాపులారిటీ తెచ్చుకున్నారు.
తర్వాత వచ్చిన సాహో సినిమా డిజాస్టర్ అయినా కూడా ఉత్తరాది యువతకు ఆ సినిమాలో ప్రభాస్ బాగా నచ్చాడట. ఇక సినిమాల విషయానికి వస్తే ప్రస్తుతం అతి భారీ బడ్జెట్ సినిమాలు అత్యధికంగా చేతిలో ఉన్న నెం.1 స్టార్ గా నిలిచారు.
ప్రస్తుతం ప్రభాస్ రాధే శ్యామ్ షూటింగ్‌తో బిజీగా ఉన్నారు. అతని యాక్షన్ చిత్రం, సాలార్, నాగ్ అశ్విన్ సినిమా, ఆదిపురుష్ సినిమాలు పాన్-ఇండియా విడుదలకు రూపుదిద్దుకుంటున్నాయి.
