ప్ర‌ముఖ స్టార్ హీరో ప్రభాస్ ప్ర‌స్తుతం `రాధేశ్యామ్` ప్ర‌మోష‌న్స్‌లో మ‌స్తు బిజీగా గ‌డుపుతున్నారు. ఈ వింటేజ్ ప్రేమ క‌థా చిత్రంలో పూజా హెగ్డే హీరోయిన్‌గా న‌టించింది.యూవీ క్రియేషన్స్, టీ సిరీస్ సంయుక్త నిర్మాణంలో కె. రాధాకృష్ణ కుమార్ దర్శకత్వంలో రూపుదిద్దుకున్న ఈ చిత్రం మార్చి 11న తెలుగుతో పాటు త‌మిళ్‌, క‌న్న‌డ, మ‌ల‌యాళ, హిందీ భాష‌ల్లో గ్రాండ్‌గా విడుద‌ల కాబోతోంది.
ఈ నేప‌థ్యంలోనే సినిమాపై భారీ హైప్ క్రియేట్ చేసేందుకు ప్ర‌మోష‌న్స్‌లో పాల్గొంటున్న ప్రభాస్.. తాజాగా ఓ అదిరిపోయే గుడ్‌న్యూస్ ను రివిల్ చేశారు. పూర్తి వివ‌రాల్లోకి వెళ్తే.. టాలీవుడ్ రెబ‌ల్ స్టార్ నుండి నేష‌న‌ల్ స్టార్‌గా ప్రభాస్ ఎద‌గ‌డానికి భారీ పునాది వేసిన చిత్రం `బాహుబ‌లి.` ద‌ర్శ‌క‌ధీరుడు రాజ‌మౌళి రూపొందించిన ఈ మూవీ ప్ర‌పంచ‌వ్యాప్తంగా ఎన్నో రికార్డుల‌ను క్రియేట్ చేసింది. మ‌రెన్నో అవార్డుల‌ను సొంతం చేసుకుంది.
ఈ మూవీ త‌ర్వాత రాజ‌మౌళితో ప్రభాస్ మ‌రో సినిమా చేస్తే చూడాల‌ని అభిమానులే కాదు సినీ ప్రియులంద‌రూ ఈగ‌ర్‌గా వెయిట్ చేస్తున్నారు. అయితే ఈ విష‌యంపై తాజాగా ప్రభాస్ క్లారిటీ ఇచ్చారు. ముంబైలో ఏర్పాటు చేసిన `రాధేశ్యామ్` ట్రైల‌ర్ ఈవెంట్‌కు హాజ‌రైన ప్ర‌భాస్‌ను.. ఓ జ‌ర్న‌లిస్ట్ `రాజ‌మౌళి దర్శకత్వంలో మ‌ళ్లీ సినిమా చేస్తారా..? ` అని ప్ర‌శ్నించాడు.
అందుకు ప్రభాస్ బ‌దులిస్తూ.. `త‌ప్ప‌కుండా రాజ‌మౌళితో మ‌రో సినిమా చేస్తాను. కానీ, అది ఎప్పుడు అనేది ఇప్పుడే చెప్ప‌లేను. ఆయ‌న నాకు మంచి స్నేహితుడు. సినిమా చేయ‌మ‌ని ఆయ‌న్ని ప్ర‌త్యేకంగా అడగాల్సిన ప‌ని లేదు. నిజానికి మా ఇద్ద‌రికీ ఓ ప్లాన్ ఉంది. అది వ‌ర్కౌట్ అయితే మా కాంబినేష‌న్‌లో సినిమా త్వ‌ర‌లోనే ప‌ట్టాలెక్కుతుంది` అంటూ చెప్పుకొచ్చాడు. మొత్తానికి రాజ‌మౌళి దర్శకత్వంలో ప్రభాస్ మ‌రో మూవీని క‌న్ఫార్మ్ చేయ‌డంతో.. ఫ్యాన్స్ ఆనందాన్ని ప‌ట్ట‌లేక ఉబ్బిత‌బ్బిపోతున్నారు.
