అభిమానుల‌కు డార్లింగ్‌, సినీ ప్రియుల‌కు బాక్సాఫీస్ కింగ్ ప్రభాస్ నేడు 45వ ఏట అడుగుపెట్టారు. ఇండియాలోనే కాకుండా వర‌ల్డ్ వైడ్ గా ఉన్న ఆయ‌న అభిమానులు అత్యంత ఉత్సాహంతో ప్రభాస్ బ‌ర్త్ డేను సెల‌బ్రేట్ చేసుకుంటున్నారు. సోష‌ల్ మీడియాలో ప్రభాస్ పేరు మారుమోగిపోతోంది. మ‌రోవైపు ప్రభాస్ న‌టిస్తున్న సినిమాల నుంచి వ‌రుస అప్డేట్స్ వ‌స్తున్నాయి. ఇక బ‌ర్త్‌డే సంద‌ర్భంగా.. ప్రభాస్ లైఫ్ స్టైల్‌, ఆస్తుల విలువ త‌దిత‌ర అంశాలు నెట్టింట ట్రెండ్ అవుతున్నాయి.
ప‌లు నివేదికల ప్ర‌కారం.. 2024 నాటికి ప్రభాస్ నికర విలువ రూ. 241 కోట్లు. ఫోర్బ్స్ ఇండియా సెలబ్రిటీ 100 జాబితాలో మూడుసార్లు ప్రభాస్ చోటు ద‌క్కించుకున్నాడు. ప్రభాస్‌కు ప్రధాన ఆదాయ వనరు సినిమాలే. బాహుబ‌లి త‌ర్వాత ప్రభాస్ ఇమేజ్ మరియు మార్కెట్ అమాంతం పెరిగిపోయాయి. అంతుకు త‌గ్గ‌ట్టుగానే ప్రభాస్ ఒక్కో సినిమాకు రూ. 100 నుంచి 150 కోట్ల రేంజ్ లో రెమ్యున‌రేష‌న్ ఛార్జ్ చేస్తున్నాడు.
ఇక‌పోతే హైదరాబాద్ జూబ్లీహిల్స్ పరిసరాల్లో రూ. 60 కోట్లు విలువ చేసే భ‌వ‌నంలో ప్రభాస్ నివాసం ఉంటున్నాడు. ఇండోర్ స్విమ్మింగ్ పూల్, హై-ఎండ్ జిమ్ మరియు లష్ గార్డెన్‌తో ఎంతో ల‌గ్జ‌రీగా ఈ భ‌వ‌నం ఉంటుంది. అలాగే ముంబై, ఇట‌లీలో కూడా ప్రభాస్ సొంత హౌస్‌ల‌ను క‌లిగి ఉన్నాడు. రూ. 1 కోటి విలువైన రేంజ్ రోవర్ స్పోర్ట్స్, రూ. 2 కోట్లు విలువైన బీఎమ్‌డ‌బ్యూ 7 సిరీస్, రూ. 2 కోట్లు విలువైన మెర్సిడెస్ బెంజ్ ఎస్‌ క్లాస్, రూ. 8 కోట్లు విలువైన రోల్స్ రాయిస్ ఫాంటమ్ తో స‌హా అనేక విలాస‌వంత‌మైన కార్లు ప్రభాస్ గ్యారేజ్ లో ఉన్నాయి.
