ప్రముఖ సినీ నటి పూనమ్ కౌర్ గురించి పరిచయం అక్కర లేదు. కొంతకాలంగా సినిమాలకు దూరంగా ఉంటున్న ఈ పంజాబీ కుడి పేరు.. రాజకీయాలకు సంబంధించిన వార్తలలో మాత్రం మార్మోగిపోతోంది. అయితే, పూనమ్ కౌర్ అనారోగ్య కారణాలతోనే కొంతకాలంగా సినిమాలకు దూరంగా ఉంటోందని తెలుస్తోంది. అంతేకాదు, ఫైబ్రోమయాల్జియా అనే ఒక అరుదైన వ్యాధితో పూనమ్ బాధపడుతోందని తెలుస్తోంది.
తీవ్ర అలసటకు గురవడం, మానసిక స్థితిలో మార్పులు, కండరాల నొప్పి, నిద్ర, జ్ఞాపకశక్తి తగ్గిపోవడం వంటివి ఈ వ్యాధి లక్షణాలు. గత రెండేళ్లుగా ఈ వ్యాధితో బాధపడుతున్న పూనమ్ చికిత్స చేయించుకుంటోందట. అయితే, ఆ చికిత్సతో ఎటువంటి ప్రయోజనం లేకపోవడంతో తాజాగా కేరళలోని ఆయుర్వేద చికిత్సాలయంలో చికిత్స తీసుకోవడానికి వెళ్లినట్లు పూనమ్ తెలిపింది.
ప్రస్తుతం అక్కడే చికిత్స తీసుకుంటున్నానని, మనసును ప్రశాంతంగా ఉంచుకోవడానికి వ్యాయామాలు, టాకింగ్ థెరపీ కూడా చేస్తున్నానని పూనమ్ చెప్పుకొచ్చింది. ఈ చికిత్స ద్వారా త్వరలోనే తాను కోలుకుంటాననే నమ్మకం కలిగిందని పూనమ్ ఆశాభావం వ్యక్తం చేసింది. మరోవైపు, టాలీవుడ్ స్టార్ హీరోయిన్ సమంత కూడా మయోసైటిస్ అనే అరుదైన వ్యాధితో బాధపడుతున్న సంగతి తెలిసిందే. అమెరికాలో చికిత్స తీసుకున్న సమంత అదే చికిత్సను మన దేశంలో కూ కూడా కొనసాగిస్తోంది.
అయితే, కేరళలో ఆయుర్వేద వైద్యంతో ఆ వ్యాధి నయమవుతుందని తెలిసిన సమంత కేరళ వెళ్లినట్టుగా తెలుస్తోంది. కొద్ది రోజులుగా సామ్ ఆయుర్వేద చికిత్స తీసుకుంటోందని, త్వరలోనే కోలుకుంటుందని అక్కడి వైద్యులు చెప్పినట్టుగా తెలుస్తోంది.
