పూజా హెగ్డే…సౌత్ సినిమా ఇండస్ట్రీలో అగ్ర హీరోయిన్లలో ఒకరిగా కొనసాగుతున్న బుట్టబొమ్మ అతి తక్కువ కాలంలోనే టాలీవుడ్ లో స్టార్ హీరోయిన్ గా ఎదిగింది. అల వైకుంఠపురంలో బుట్టబొమ్మగా అలరించిన ఈ డస్కీ బ్యూటీ… ఆ సినిమా తర్వాత వరుస డిజాస్టర్స్ తో కాస్త ఇబ్బంది పడింది. విజయ్ తో చేసిన బీస్ట్ సినిమా, మెగా మల్టీస్టారర్ ఆచార్య సినిమాతో పాటు ప్రభాస్ రాధే శ్యామ్ సినిమాలు ఊహించని విధంగా పూజా హెగ్డేను నిరాశపరిచాయి.
అయితే, గతంలో ఉన్న కమిట్ మెంట్స్ ప్రకారం టాలీవుడ్ తో పాటు బాలీవుడ్ లోనూ పూజా హెగ్డే పలువురు స్టార్ హీరోలతో సినిమాలు చేసేందుకు రెడీ అవుతోంది. ఆల్రెడీ బాలీవుడ్ కండల వీరుడు సల్మాన్ ఖాన్ సరసన కభీ ఈద్ కభీ దివాలీలో బుట్టబొమ్మ సందడి చేయనుంది. త్వరలోనే హరీష్ శంకర్-పవర్ స్టార్ పవన్ కళ్యాణ్ ల కాంబోలో రాబోయే సినిమాలోనూ ఈ అమ్మడు నటించనుందని వార్తలు వచ్చాయి.
అయితే, కొన్ని కారణాల వల్ల పవన్ కు చివరి నిమిషంలో పూజా హెగ్డే హ్యాండిచ్చిందని టాక్ వస్తోంది. పవన్ కళ్యాణ్ రాజకీయాల్లో చాలా బిజీగా ఉండడంతో ప్రస్తుతానికి హరీష్ శంకర్ ప్రాజెక్టు ‘భవదీయుడు భగత్ సింగ్’ ను హోల్డ్ లో పెట్టినట్లు తెలుస్తోంది. ఇంకా చెప్పాలంటే, ప్రస్తుతం పవన్ చేతిలో ఉన్న సినిమాలను పవన్ పూర్తి చేసే సరికి…ఎన్నికల ప్రచారం మొదలయ్యే అవకాశముంది. దీంతో, అసలు ఆ ప్రాజెక్టు పట్టాలెక్కుతుందో లేదు డౌట్ అట.
ప్రస్తుతం క్రిష్ దర్శకత్వంలో ‘హరిహర వీరమల్లు’ చేస్తున్న పవన్…ఆ తర్వాత తమిళ సినిమా ‘వినోదయా సితం’ రీమేక్ లో నటించబోతున్నారు. ఇవి రెండు పూర్తయిన తర్వాత ‘భవదీయుడు భగత్ సింగ్’ సెట్స్ పైకి రావడానికి చాలా సమయం పట్టొచ్చు. మరోవైపు, త్రివిక్రమ్ – మహేశ్ సినిమాలో పూజా హెగ్డే నటిస్తోంది. దాంతోపాటు, విజయ్ దేవరకొండ సరసన ‘జన గణ మన’ చేయనుంది. సల్లూ భాయ్ సినిమాతో పాటు బాలీవుడ్ నుంచి కూడా ఈ అమ్మడికి ఆఫర్లు వస్తున్నాయట. ఈ కారణాలతో పవన్ ప్రాజెక్టును చేయలేనని హరీశ్ శంకర్ కు పూజ చెప్పినట్టు తెలుస్తోంది.
