టాలీవుడ్‌లో మోస్ట్ వాంటెడ్ హీరోయిన్‌గా గుర్తింపు పొందిన అందాల భామ పూజా హెగ్డే.. ప్ర‌స్తుతం తెలుగుతో పాటు త‌మిళ్‌, హిందీ భాష‌ల్లో వ‌రుస ఆఫ‌ర్ల‌ను అందుకుంటూ కెరీర్ ప‌రంగా జెట్ స్పీడ్‌లో దూసుకుపోతోంది. `రాధేశ్యామ్` వంటి పాన్ ఇండియా మూవీతో ఇటీవ‌ల ప్రేక్ష‌కుల‌ను ప‌ల‌క‌రించినా.. బాక్సాఫీస్ వ‌ద్ద ఈ మూవీ బోల్తా ప‌డింది. అయిన‌ప్ప‌టికీ పూజా హెగ్డే వెన‌క్కి త‌గ్గ‌డం లేదు.
తెలుగులో ప్ర‌స్తుతం మ‌హేష్ బాబు, మాట‌ల మాంత్రికుడు త్రివిక్ర‌మ్ శ్రీ‌నివాస్ కాంబినేష‌న్‌లో తెర‌కెక్కుతున్న హ్యాట్రిక్ మూవీలో హీరోయిన్‌గా ఫిక్స్ అయింది. రామ్ చరణ్ స‌ర‌స‌న ఈమె న‌టించిన `ఆచార్య` చిత్రం త్వ‌ర‌లోనే విడుద‌ల కాబోతోంది. అలాగే త‌మిళంలో ద‌ళ‌ప‌తి విజ‌య్‌తో `బీస్ట్‌` మూవీ చేసింది. ఇక తాజాగా ఈ బుట్ట‌బొమ్మ మ‌రో కొత్త ప్రాజెక్ట్‌కు సైన్ చేసింది.
సరోజ, గోవా, గ్యాంబ్లర్, బిర్యానీ, రాక్షసుడు, మానాడు వంటి సస్పెన్స్ థ్రిల్లర్‌ మూవీస్‌తో త‌న‌కంటూ స్పెష‌ల్ ఇమేజ్‌ను క్రియేట్ చేసుకున్న ద‌ర్శ‌కుడు వెంకట్‌ ప్రభు త‌న త‌దుప‌రి చిత్రాన్ని అక్కినేని నాగ‌చైత‌న్య‌తో చేయ‌బోతున్న సంగ‌తి తెలిసిందే. ఈ విష‌యాన్ని వెంకట్‌ ప్రభు ఓ ఇంటర్వ్యూలో అధికారికంగా వెల్లడించారు.
అయితే ఈ సినిమాలో నాగ చైత‌న్య‌కు జోడీగా పూజా హెగ్డే న‌టించ‌నుంద‌ని వార్త‌లు వ‌స్తున్నాయి. ఇప్ప‌టికే సంప్ర‌దింపులు కూడా పూర్తి అయ్యాయ‌ని అంటున్నారు. గ‌తంలో నాగ చైత‌న్య‌తో క‌లిసి పూజా హెగ్డే `ఒక లైలా కోసం` మూవీతో చేసింది. తెలుగులో ఇదే ఆమె తొలి చిత్రం. అయితే భారీ అంచ‌నాల న‌డుమ విడుదలైన ఈ చిత్రం బాక్సాఫీస్ వ‌ద్ద బోల్తా ప‌డంది. మ‌రి ఫ్లాప్ ఇచ్చిన హీరోకు మళ్లీ బుట్ట‌బొమ్మ గ్నీన్ సిగ్నెల్ ఇచ్చిందా..లేదా..అన్న‌ది చూడాలి.
కాగా.. ల‌వ్‌స్టోరీ, బంగార్రాజు వంటి విజ‌య‌వంత‌మైన చిత్రాల‌ను ఖాతాలో వేసుకుని ఫుల్ జ్యూష్‌లో ఉన్న నాగ‌చైత‌న్య.. ఇప్పుడు `థాంక్యూ` చేస్తున్నాడు. విక్రమ్ కుమార్ దర్శకత్వం వ‌హిస్తున్న ఈ చిత్రం ఇటీవ‌లె షూటింగ్ పూర్తి చేసుకుని విడుద‌ల‌కు సిద్ధం అవుతోంది. అలాగే ప్ర‌ముఖ ఓటీటీ కోసం ఒక హార్రర్ వెబ్ సిరీస్ చేస్తున్నాడు. `దూత` టైటిల్‌తో రూపొందుతున్న ఈ సిరీస్‌కు సైతం విక్రమ్ కుమార్‌రే డైరెక్ట్ చేస్తున్నాడు.
