టాలీవుడ్ లో పవర్ స్టార్ పవన్ కల్యాణ్ కు ఉన్న క్రేజ్ గురించి ప్రత్యేకంగా చెప్పనక్కర లేదు. అంతకుముందు పాలిటిక్స్ లో బిజీ అయిన పవన్…ఇటీవల వకీల్ సాబ్ లో సెకండ్ ఇన్నింగ్స్ మొదలు పెట్టాడు. వచ్చి రావడంతోనే వకీల్ సాబ్ వంటి బ్లాక్ బస్టర్ హిట్ మూవీతో ఫ్యాన్స్ ను అలరించాడు పవన్. అంతేకాదు, గతంలో ఎన్నడూ లేని విధంగా వరుస ప్రాజెక్టులతో పవన్ బిజీ అయిపోయాడు.
పవన్ అప్ కమింగ్ మూవీస్ లో మోస్ట్ అవెయిటింగ్ మూవీగా క్రిష్ దర్శకత్వంలో తెరకెక్కుతోన్న హరిహర వీరమల్లు నిలుస్తుందనడంలో ఎటువంటి సందేహం లేదు. పవన్ ఇంతకుముందు టచ్ చేయని జానర్ కావడంతో ఈ సినిమాపై భారీ అంచనాలున్నాయి. 15వ శతాబ్దపు బ్యాక్ డ్రాప్ లో మొఘల్ సామ్రాజ్యపు కాలంనాటి చరిత్ర ఆధారంగా ఈ సినిమాను పిరియాడికల్ డ్రామాగా క్రిష్ తెరకెక్కిస్తున్నారు.
ఇప్పటికే ‘హరిహర వీరమల్లు’లో పవన్ ఫస్ట్ లుక్ వైరల్ అయింది. ఈ సినిమా నుంచి మరిన్ని అప్డేట్స్ కోసం ఫ్యాన్స్ ఎదురు చూస్తున్న సమయంలో…తాజాగా ఆ చిత్రం మేకింగ్ వీడియో ఒకటి లీకవడం కలకలం రేపింది. ఓ యాక్షన్ సీక్వెన్స్ కు సంబంధించిన వీడియో నెట్టింట హల్ చల్ చేస్తోంది. కొంతమంది మల్లయోధులతో పవన్ పోరాటం చేస్తున్న ఈ వీడియో.. సినిమాకే హైలైట్ గా కనిపిస్తోంది.
ఈ వీడియో ఎవరు లీక్ చేశారో తెలుసుకునే పనిలో చిత్ర యూనిట్ ఉంది. ఏది ఏమైతేనేం…పవన్ ఫ్యాన్స్ మాత్రం ఈ వీడియోను చూసి ఖుష్ అవుతున్నారు. గతంలోనూ పవన్ నటించిన అత్తారింటికి దారేది, అజ్జాత వాసి సినిమాల మేకింగ్ వీడియోలు సినిమా విడుదల కు ముందు నెట్ లో ప్రత్యక్షమైన సంగతి తెలిసిందే.
