మాస్ కా బాప్, నందమూరి నటసింహం బాలకృష్ణ హోస్ట్ గా వ్యవహరిస్తున్న అన్ స్టాపబుల్ విత్ ఎన్బికె కార్యక్రమం రెండో సీజన్ కూడా దిగ్విజయంగా కొనసాగుతున్న సంగతి తెలిసిందే. ఏపీ మాజీ సీఎం టిడిపి అధినేత నారా చంద్రబాబునాయుడుతో తొలి ఎపిసోడ్ ను మొదలుపెట్టిన బాలయ్య ఆ తర్వాత యంగ్ హీరోలు విశ్వక్సేన్, సిద్దు జొన్నలగడ్డలతో రెండో ఎపిసోడ్, శర్వానంద్, అడవి శేషులతో మూడో ఎపిసోడ్లను రక్తి కట్టించారు.
ఇక, నాలుగో ఎపిసోడ్లో తన క్లాస్మేట్స్, స్నేహితులు అయిన ఏపీ మాజీ సీఎం నల్లారి కిరణ్ కుమార్ రెడ్డి, టిఆర్ఎస్ రాజ్యసభ సభ్యుడు సురేష్ రెడ్డి, సీనియర్ నటి రాధికలతో గుర్తుకొస్తున్నాయి అంటూ తన ఆటోగ్రాఫ్ స్వీట్ మెమోరీస్ ను బాలయ్య నెమరేసుకున్నారు. ఈ సీజన్ 5వ ఎపిసోడ్ కు గెస్టులుగా ప్రముఖ దర్శకనిర్మాత కె రాఘవేంద్ర రావు, ఎ.కోదండరామిరెడ్డిలతోపాటు ప్రముఖ నిర్మాతలు అల్లు అరవింద్, సురేష్ బాబులను బాలయ్య ఆహ్వానించారు.
ఆరో ఎపిసోడ్ లో అలనాటి అందాల తారులు జయప్రద, జయసుధలతో పాటు యంగ్ బ్యూటీ రాశీ ఖన్నాలతో బాలయ్య సందడి చేశారు. ఇక, త్వరలోనే పాన్ ఇండియా హీరో ప్రభాస్ తో బాలయ్య రచ్చ చేయబోతున్నారు. ఈ క్రమంలోనే ఈ షోకు పవర్ స్టార్ పవన్ కల్యాణ్ కూడా రాబోతున్నారని కొంత కాలంగా ప్రచారం జరుగుతోంది. కానీ, అధికారికంగా ఎటువంటి ప్రకటన వెలువడలేదు. కానీ, తాజాగా ఈ షో సెట్ కు పవన్ రావడంతో ఆ ప్రచారం నిజమని తేలింది.
సెట్ కు వచ్చిన పవన్ ను బాలయ్యతో పాటు ఆహా టీం సాదరంగా ఆహ్వానిస్తున్న వీడియో వైరల్ గా మారింది. దీంతో, పవన్ – బాలయ్యల కాంబోలో రాబోయే ఎపిసోడ్ ఈ సీజన్ కే హైలైట్ గా నిలుస్తుందని మెగా, నందమూరి ఫ్యాన్స్ అనుకుంటున్నారు.
.@PawanKalyan at #UnstoppableWithNBKS2 shoot. ????????pic.twitter.com/pNiZQuod3s
— Trend PSPK (@TrendPSPK) December 27, 2022
