జనసేన అధినేత పవన్ కల్యాణ్ నర్సాపురం పర్యటనలో అపశ్రుతి దొర్లింది. ఓ అభిమాని అత్యుత్సాహం కారణంగా ఆయన ఒక్కసారిగా కారుపైనే పడిపోయారు.
మత్స్య కార్మికుల హక్కుల కోసం నరసాపురం లో పవన్ కళ్యాణ్‌ బహిరంగ సభ నిర్వహించారు.
దీనికోసం నరసాపురం చేరుకున్న పవన్ కళ్యాణ్‌ కు ఊహించని పరిణామం ఎదురైంది.
నరసాపురం చేరుకున్న పవన్ కళ్యాణ్‌.. తన కాన్వాయ్‌ పైకి నిల్చుని.. ప్రజలకు, తన అభిమానులకు అభివాదం చేశారు.
అంతలో పవన్ కళ్యాణ్‌ ఫ్యాన్ ఒక్కసారిగా అంగరక్షకులను దాటుకుని పవన్ నిల్చుని ఉన్న కారుపై ఎక్కి పవన్ ను కౌగలించుకునేందుకు ఆయన మెడ పట్టుకున్నాడు.
ఊహించని ఈ పరిణామంతో పవన్ షాకవడంతో పాటు ఆ అభిమాని తనపై ఎగిరి దుమకడం వల్ల కిందపడిపోయారు.
అయితే, వెంటనే ఆయన తేరుకుని లేచి నిల్చుని ఎప్పటిలా ప్రజలకు అభివాదాలు కొనసాగించారు.
దీనికి సంబంధించిన వీడియో ఇప్పుడు సోషల్‌ మీడియాలో వైరల్‌ గా మారింది.
