ప్ర‌స్తుతం ఏపీలో జ‌రుగుతున్న అసెంబ్లీ, పార్ల‌మెంటు ఎన్నిక‌ల్లో జ‌న‌సేన అభ్య‌ర్థులు పోటీ చేస్తున్న విష‌యం తెలిసిందే. బీజేపీ-టీడీపీతో జ‌త‌క‌ట్టిన జ‌న‌సేన.. 21 అసెంబ్లీ, 2 పార్ల‌మెంటు స్థానాల్లో పోటీకి దిగింది. ఈ అభ్య‌ర్థుల త‌ర‌ఫున జ‌న‌సేన అధినేత ప‌వ‌న్ క‌ళ్యాణ్ ప్ర‌చారం చేయ‌నున్నారు. అదేవిధంగా కూట‌మి అభ్య‌ర్థుల ప‌క్షాన కూడా ప్ర‌చారం చేస్తారు. అయితే.. అచ్చంగా జ‌న‌సేన పార్టీ త‌ర‌ఫున పోటీ చేసే అభ్య‌ర్థుల ప‌క్షాన ప్ర‌చారం చేసేందుకు స్టార్‌క్యాంపెయిన‌ర్ల‌ను ప‌వ‌న్ తాజాగా ప్ర‌క‌టించారు. వీరిలో కొంద‌రు రాజ‌కీయ నేప‌థ్యంలో లేని వారు కూడా ఉన్నారు.
వీరంతా జ‌న‌సేన పార్టీ పోటీ చేసే నియోజ‌క‌వ‌ర్గాల్లో 10-20 రోజుల పాటు ప్ర‌చారం చేయ‌నున్నారు. పార్ల‌మెంటు నియోజ‌క‌వ‌ర్గాల్లో 20 రోజులు ఖ‌చ్చితంగా ప్ర‌చారం చేస్తారు. అయితే.. జ‌న‌సేన అభిమానులు, నాయ‌కులు కోరుకుంటున్న అస‌లు సిస‌లు స్టార్ క్యాంపెయిన‌ర్ మెగా ఫ్యామిలీ. ఈ క్ర‌మంలో రాం చ‌ర‌ణ్‌ను ఎక్కువ మంది ప్ర‌చారానికి రావాల‌ని కోరుతున్నారు. కానీ, ఆయ‌న పేరు ఎక్క‌డా లేదు. ఇక, మెగా స్టార్ చిరంజీవి పేరు కూడా లేక పోవ‌డం గ‌మ‌నార్హం. రెండు రోజుల కింద‌ట పార్టీకి రూ.5 కోట్ల విరాళం ఇచ్చిన విష‌యం తెలిసిందే.
వీరే క్యాంపెయిన‌ర్లు..
+ జ‌న‌సేన పార్టీ రాష్ట్ర ప్రధాన కార్యదర్శి కొణిదెల నాగబాబు
+ టీమిండియా మాజీ క్రికెటర్ అంబటి రాయుడు
+ టాలీవుడ్ డాన్స్ మాస్టర్ జానీ మాస్టర్
+ సినిమా హీరో సాగర్
+ 30 ఇయ‌ర్స్ ఇండ‌స్ట్రీ పృథ్విరాజ్
+ జ‌బ‌ర్ద‌స్త్ ఫేమ్ హైపర్ ఆది
+ జ‌బ‌ర్ద‌స్త్ ఫేమ్ గెటప్ శ్రీను
