యంగ్ టైగ‌ర్ ఎన్టీఆర్ అంటే తెలియ‌ని వారుండ‌రు. భారీ సినీ బ్యాక్‌గ్రౌండ్ ఉన్న‌ప్ప‌టికీ త‌న‌దైన టాలెంట్‌తో అంచ‌లంచ‌లుగా ఎదిగి స్టార్ స్టేట‌స్‌ను ద‌క్కించుకున్నాడీయ‌న. పాన్ ఇండియన్ సినిమాలు చేయ‌క ముందే దేశవిదేశాల్లో అభిమానుల‌ను సంపాదించుకున్న టాలీవుడ్ హీరోల్లో తారక్ ముందు వ‌ర‌స‌లో ఉంటాడు.
ఇక ప్ర‌స్తుతం తారక్ రామ్ చ‌ర‌ణ్‌తో క‌లిసి న‌టించిన తాజా చిత్రం `ఆర్ఆర్ఆర్‌`. స్వాతంత్ర్య సమరయోధులు అల్లూరి సీతారామరాజు, కొమురం భీమ్ జీవితాల ఆధారంగా క‌ల్పిత క‌థతో రూపుదిద్దుకున్న ఈ చిత్రానికి రాజ‌మౌళి ద‌ర్శ‌క‌త్వం వ‌హించారు. భారీ అంచ‌నాలు ఉన్న ఈ పాన్ ఇండియా చిత్రంతో తారక్ క్రేజ్ మ‌రో స్థాయికి చేరుకోబోతోంది.
ఈ నేప‌థ్యంలోనే ఆయ‌న‌తో స్క్రీన్ షేర్ చేసుకునేందుకు బాలీవుడ్ హీరోయిన్లు సైతం ముచ్చ‌ట‌ప‌డుతున్నారు. ఇప్ప‌టికే బాలీవుడ్ బ్యూటీ అలియా భ‌ట్ తారక్ 30వ చిత్రంలో హీరోయిన్‌గా ఫైన‌ల్ అయింది. ఇక మొన్న‌టికి మొన్న దీపికా పడుకోణె సైతం ఎన్టీఆర్‌తో క‌లిసి న‌టించానుందంటూ ఓపెన్‌గానే కామెంట్స్ చేసింది. దీంతో హీరోయిన్ పాయ‌ల్ ఘోష్ తాజాగా తార‌క్‌పై సోష‌ల్ మీడియా వేదిక‌గా ఆస‌క్తిక‌ర వ్యాఖ్య‌లు చేసింది.
`తారక్ గ్లోబల్ స్టార్, గొప్ప వ్య‌క్తిత్వం ఉన్న వ్యక్తి, మంచి కో-స్టార్ అంత‌కు మంచి ఆల్ రౌండర్ సూపర్ స్టార్.. ఇవన్నీ నేను ఎప్పుడో చెప్పాను. కానీ నన్ను అందరూ విమర్శించారు.. నెగెటివ్‌గా మాట్లాడారు.. ఇప్పుడు తారక్ అంటే ఏంటో..ఆయ‌న ఎలాంటివాడో.. ప్రపంచానికి తెలిసి వస్తోంది.. నేను చెప్పింది ఎప్పుడూ తప్పు కాలేదు` అంటూ పాయ‌ల్ ట్వీట్ చేసింది. దీంతో ఆమె ట్విట్ కాస్త నెట్టింట వైర‌ల్‌గా మారింది. కాగా, తారక్ హీరోగా తెర‌కెక్కిన `ఊసరవెల్లి` సినిమాలో పాయ‌ల్ ఘోష్ త‌మ‌న్నా ఫ్రెండ్‌గా న‌టించిన విష‌యం తెలిసిందే.
