మేరీల్యాండ్ లో ఎన్టీఆర్ శత జయంతి ఉత్సవాలు ఘనంగా జరిగాయి. ఈ కార్యక్రమానికి మేరీల్యాండ్ టీడీపీ అధ్యక్షుడు రాజా రావులపల్లి అధ్యక్షత వహించారు.
జ్యోతి ప్రజ్వలన చేసి, ప్రముఖ గాయని కల్యాణి ద్విభాష్యం అన్నమయ్య కీర్తనల మధ్య ఎన్టీఆర్ చిత్రపటానికి పూలమాలలు వేసి ఎన్టీఆర్ అభిమానులు ఘనంగా నివాళులు అర్పించారు.
మేరీల్యాండ్ టీడీపీ అధ్యక్షుడు రాజా రావులపల్లి ప్రసంగిస్తూ, మా కమిటీ ఏర్పాటైన తర్వాత మేరీల్యాండ్ ఎన్టీఆర్ అభిమానులు మధ్య శక పురుషునికి శత జయంతి నీరాజనం అర్పించడం చాలా ఆనందంగా ఉందన్నారు.
ఈ కార్యక్రమంలో స్థానిక ప్రముఖ వైద్యులు డాక్టర్ హేమ ప్రసాద్ యడ్ల అన్న ఎన్టీఆర్ తో తన పరిచయాన్ని గుర్తు చేస్తూ, అమెరికాలో ఎన్టీఆర్ శత జయంతి ఉత్సవాలను వైభవోపేతంగా నిర్వహించడం తెలుగువారందరికీ గర్వకారణం అన్నారు.
స్థానిక మాజీ తానా ప్రముఖులు సుబ్బరాయుడు జక్కంపూడి మాట్లాడుతూ, పండుగ వాతావరణంలో ఎన్టీఆర్ శతజయంతి వేడుకలు నిర్వహించుకోవడం ప్రతి ఒక్కరిలో సంతోషాన్ని నింపిందన్నారు.
మైనేని రాంప్రసాద్ మాట్లాడుతూ, ఎన్టీఆర్ ది మరణం లేని జననం అని, మరణించి జీవిస్తున్నారు.
మన్నవ సుబ్బారావు అమరుడైన అన్న ఎన్టీఆర్ కు శత వసంతాల నీరాజనం సమర్పించారు.
ఈ కార్యక్రమంలో జానకి రామ భోగినేని , ప్రసాద్ గనపనేని, శ్రీనాథ్ రావుల, శివ నెల్లూరి, భాను మాగులూరి, కిషోర్ కంచర్ల, ఆంధ్రాబ్యాంక్ రామ్మోహన్ రావు, ఆకర్ష్ వలివేటి, శ్రీనాథ్ కాండ్రు, శ్రీనివాస్ పైడి, రాంబాబు యలమంచిలి, సుధీర్ నిమ్మగడ్డ, హేమంత్ కాలే, వేణు గోరంట్ల, సుందర్ క్రోసూరి, సీతారాం గంది తదితరులు పాల్గొన్నారు.
