ఏపీ సీఎం జగన్ ఈ రోజు లండన్ పర్యటనకు వెళుతున్న సందర్భంగా గన్నవరం ఎయిర్ పోర్టులో అనుమానాస్పదంగా కనిపించిన వ్యక్తిని పోలీసులు అదుపులోకి తీసుకున్న వైనం సంచలనం రేపింది. అమెరికాలోని వాషింగ్టన్‌కు చెందిన డాక్టర్ తుళ్లూరు లోకేష్ ను పోలీసులు అరెస్టు చేయడం షాకింగ్ గా మారింది. విమానాశ్రయ పరిసర ప్రాంతాలలో అనుమానాస్పదంగా తచ్చాడున్నారన్న ఆరోపణలతో పోలీసులు ఆయనను ప్రశ్నించారు.
పోలీసుల ప్రశ్నలకు లోకేష్ పొంతన లేని సమాధానాలిచ్చారని ఆరోపణలు వస్తున్నాయి. జగన్ టూర్ కు సంబంధించిన కొన్ని మెసేజ్ లు లోకేష్ పెట్టినట్టు గుర్తించామని పోలీసులు చెబుతన్నారు. పోలీసులు ప్రశ్నిస్తున్న సమయంలో లోకేష్ కు గుండె పోటు రావడంతో ఆయనను ఆస్పత్రిలో చేర్పించారు. జగన్ విదేశీ పర్యటనకు సంబంధించిన మెసేజ్‌లను ఎవరికి పెట్టారో విచారణ జరుపుతున్నామని పోలీసులు చెబుతున్నారు. అయితే, భద్రతా కారణాల రీత్యా లోకేష్ ను అదుపులోకి తీసుకున్నామని పోలీసులు చెబుతున్న వైనంపై విమర్శలు వస్తున్నాయి.
