నిధి అగర్వాల్.. ఈ అందాల భామ గురించి ప్రత్యేకమైన పరిచయాలు అవసరం లేదు. హైదరాబాద్ లో జన్మించిన ఈ ముద్దుగుమ్మ బెంగుళూరులో పెరిగింది.
తెలుగు, తమిళ, కన్నడ భాషల్లో పట్టు ఉన్న నిధి అగర్వాల్.. 2017 లో `మున్నా మైకెల్` అనే హిందీ మూవీతో సినీ రంగ ప్రవేశం చేసింది.
ఇటు యువ సామ్రాట్ అక్కినేని నాగ చైతన్య హీరోగా తెరకెక్కిన `సవ్యసాచి` మూవీతో టాలీవుడ్ లోకి అడుగు పెట్టింది.
ఆ వెంటనే నాగచైతన్య తమ్ముడు అఖిల్ తో `మిస్టర్ మజ్ను`లో నటించింది. కానీ అక్కినేని హీరోలిద్దరూ నిధి అగర్వాల్ కు హిట్ అందించలేక పోయారు.
అయితే ఎనర్జిటిక్ స్టార్ రామ్ హీరోగా డైనమిక్ డైరెక్టర్ పురీ జగన్నాథ్ తెర‌కెక్కించిన `ఇస్మార్ట్ శంకర్` మూవీతో నిధి పాప బ్లాక్ బ‌స్టర్ హిట్ అందుకుని సక్సెస్ ట్రాక్ ఎక్కింది.
ఈ మూవీ తర్వాత నిధి కెరీర్ ఊపందుకుంటుంద‌ని అందరూ భావించినా.. అలా జరగలేదు.
ఆకట్టుకునే అందం, అంతకుమించి టాలెంట్ ఉన్నా.. ఈ భామ ఆఫర్లు లేక ఎంతగానో నలిగిపోతోంది. ఇకపోతే సినిమాలు లేకపోయినా నిధి అగర్వాల్ సోషల్ మీడియాలో మాత్రం సూపర్ యాక్టివ్ గా ఉంటుంది.
తరచూ హాట్ హాట్ ఫోటో షూట్ల‌తో కుర్రకారును అల్లాడిస్తూ ఫాలోయింగ్ పెంచుకుంటుంది.
ఇక రీసెంట్ గా ఇన్‌స్టాగ్రామ్ వేదికగా అభిమానులతో ముచ్చటించింది.
ఈ సందర్భంగా తనకు ఎదురైన అన్ని ప్రశ్నలకు ఓపిగ్గా సమాధానాలు ఇచ్చింది.
ఈ క్రమంలోనే `నటి కాకుంటే ఏం చేసేవారు..?` అనే ప్రశ్న నిధి అగర్వాల్‌కి ఎదురైంది.
అందుకు ఆమె `నటిని కాకుంటే ఫ్యాషన్ బ్రాండ్ ను ప్రారంభించేదాన్ని.
నాకు ఫ్యాషన్ డిజైనింగ్ పరిచయం లేకపోయినా శిక్షణ పొంది ఆ రంగంలో సెటిల్ అయ్యేదాన్ని` అంటూ చెప్పుకొచ్చింది.
అలాగే తాను రోజులో వర్కౌట్స్ చేయడానికి ఎక్కువ టైం కేటాయిస్తానని తెలిపింది.
కాగా, ప్రస్తుతం ఈ అమ్మడి చేతిలో ఒకే ఒక తెలుగు సినిమా ఉంది.
అదే `హరిహర వీరమల్లు`. పవర్ స్టార్ పవన్ కళ్యాణ్ హీరోగా క్రిష్ జాగర్లమూడి దర్శకత్వంలో రూపుదిద్దుకుంటున్న పిరియాడిక్ మూవీ ఇది.
మెగా సూర్య ప్రొడక్షన్స్ బ్యానర్ పై ఎ.ఎం.రత్నం సమర్పణలో ఎ.దయాకర్ రావు ఈ చిత్రాన్ని నిర్మిస్తున్నారు.
ఈ సినిమా ఎప్పుడో సెట్స్ మీదకు వెళ్ళింది.
కానీ ఇప్పటివరకు షూటింగ్ పూర్తి కాలేదు. ఆది నుంచి ఈ సినిమా చిత్రీకరణకు వరుస అడ్డంకులు ఎదురవుతూనే ఉన్నాయి.
మరోవైపు ఈ మూవీతో అయినా తన దశ తిరుగుతుందని నిధి ఎన్నో ఆశలు పెట్టుకుని కూర్చుంది.
