మహేష్ బాబు వంటి స్టార్ హీరోల సినిమాల క్యాస్టింగ్ విషయంలో ఎంత జాగ్రత్తలు తీసుకుంటారో తెలిసిందే. హీరోయిన్లకు పెద్దగా ప్రాధాన్యం ఇవ్వకపోయినా… సెలక్షన్ మాత్రం ఎవరో ఒకరులే అన్నట్టుండదు. ఈ క్రమంలో తాజాగా హీరో మహేష్ బాబు, స్టార్ డైరెక్టర్ తివిక్రమ్ శ్రీనివాస్ కాంబినేషన్ లో తెరకెక్కనున్న సినిమాలోని హీరోయిన్ పాత్రకు టాప్ హీరోయిన్ సెలెక్ట్ అయినట్టు సమాచారం.
ఇప్పటివరకు వినిపించన పేర్లు ఏమీ కాకుండా బాలయ్య హీరోయిన్ సెలెక్ట్ చేశారు. ఆమె ఎవరో కాదు నయన తార. గతంలో బాలకృష్ణతో సింహా, శ్రీరామరాజ్యం సినిమాల్లో నటించిన నయనతార ఈ సినిమాకు ఎంపికయ్యారట.
ప్రస్తుతం సర్కారు వారి పాట మూవీ షూటింగ్ తో బిజీగా ఉన్న మహేష్ బాబు త్వరలో త్రివిక్రమ్ మూవీ షూటింగ్ లో పాల్గొంటారట. అందుకే హీరోయిన్ ఎంపిక ఫైనల్ చేశారు. నయనతార తెలుగులో దాదాపు అందరు టాప్ స్టార్లతో నటించింది. కానీ మహేష్ బాబుతో నటించలేదు. ఇపుడు మహేష్ బాబుతో నటించడంతో ఆ లోటు తీరింది.
నయనతార ఈ సినిమాలో హీరోయిన్ గా నటిస్తే కోలీవుడ్ లో సైతం ఈ సినిమాపై భారీగా అంచనాలు ఏర్పడే అవకాశం ఉంది. ఎందుకంటే ఆమె కోలీవుడ్లో లేడీ సూపర్ స్టార్ గా పేరు పొందారు.ఈ సినిమాలో ఇద్దరు హీరోయిన్లు నటిస్తారు. మరో హీరోయిన్ ఎంపిక ఇంకా చేయాల్సి ఉంది. అతడు వంటి బిగ్ హిట్ అనంతరం దాదాపు పదేళ్ల తరువాత మహేష్ త్రివిక్రమ్ కలిసి పని చేస్తుండటంతో ఈ సినిమాపై అంచనాలు భారీగా పెరిగాయి. కొసమెరుపు ఏంటంటే… నయనతార అంగీకారం ఇంకా రాలేదు. మహేష్ బాబు కాబట్టి ఆమె అంగీకరించవచ్చు అని టాక్.
